Disa portale të dyshimta me përmbajtje në gjuhën shqipe, kanë publikuar dje dhe sot (29, 30 dhjetor) një artikull me titull “Shpërthim i fuqishëm në veri të Kosovës”.
Pas verifikimit të fakteve të kryer nga hibrid.info, është vërtetuar se këto portale të dyshimta kanë publikuar një lajm të vjetër, lidhur me një raportim për shpërthim në veri, të cilin janë munduar ta paraqesin si aktual.
Vegëza e artikullit të publikuar në portalet e dyshimta “web.ternalnews.com” dhe “new.findnews5.com”:
I njëjti artikull është publikuar edhe në median sociale Facebook nga faqet “Gazeta Kosova” dhe “Lajmi Fundit”. (shih këtu dhe këtu)
Pas hulumtimit përmes makinave online të kërkimit, hibrid.info ka vërtetuar se lajmi për shpërthimin në veri të Kosovës është i vjetër, i publikuar më 26 nëntor.
I njëjti artikull është gjetur i publikuar në kohë reale në portalin informativ “GazetaExpress.com”, me datë 26 nëntor. (shih këtu)
Analiza:
Pas verifikimit të fakteve të kryer nga hibrid.info, është vërtetuar se portale të dyshimta kanë publikuar një lajm të vjetër (26 nëntor) lidhur me një shpërthim në veri të Kosovës, të cilin janë munduar ta paraqesin si aktual.
Bazuar në metodologjinë e punës, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.