Portali informativ “Inlajmi.com” ka publikuar sot (14 korrik) një artikull me titull “Mbyllet miqësorja mes Luksemburgut e Gjilanit me rezultat të barabartë”.
Pas verifikimit të fakteve të kryer nga “hibrid.info” është vërtetuar se titulli i artikullit të publikuar paraqet pretendim të pasaktë.
Vegëza e artikullit të publikuar nga portali informativ “Inlajmi”:
Hibrid.info ka hulumtuar dhe ka verifikuar se ndeshja e zhvilluar dje (13 korrik) nuk ishte ballafaqim mes Gjilanit, klub futbollistik, dhe Luksemburgut, reprezantacion nacional, si dhe nuk ishte ndeshje e karakterit miqësor.
Në bazë të të gjeturave është vërtetuar se ekipi futbollistik nga Kosova, mbrëmë zhvilloi ndeshje kundër FC Progrès Niederkorn, skuadër futbollistike nga Luksemburgu (shih këtu) dhe përballja u zhvillua në kuadër të kualifikimeve për “Europa Conference League”(shih këtu).
Analiza:
Portali informativ “Inlajmi” ka pretenduar gabimisht se Gjilani mbrëmë ka zhvilluar ndeshje miqësore me Luksemburgun.
Pas verifikimit të fakteve, është vërtetuar se klubi futbollistik është përballë me FC Progrès Niederkorn, ekip futbollistik nga Luksemburgu, në kuadër të kualifikimeve për “Europa Conference League”.
Bazuar në metodologjinë e punës, hibrid.info e vlerëson këtë pretendim si “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.