Një recetë mjekësore e cila është shpërndarë në rrjete sociale, që tregon se si të luftohet virusi Korona, doli të ishte vetëm gënjeshtër dhe nuk është e rekomanduar nga mjekët, si ishte thënë më parë.
Në fillim kjo recetë u shpërnda me të madhe në aplikacionin WhatsApp, e më pas u bë virale nëpër rrjete sociale.
Receta thuhet se vjen nga kompania farmaceutike indiane Tata Health, në të cilën përfshihen llojet e ilaçeve të tilla si: Paracetamol, vitamina C dhe D3, B-kompleks, kapsula avulli, Betadinë për gargare të gojës, oksimetër pulsi për matjen e niveleve të oksigjenit dhe cilindra oksigjeni.
Ishte vetë kompania Tata Health, që e demantoi këtë mesazh, duke thënë se kjo recetë nuk është e krijuar nga organizata dhe është e rreme.
“Ky mesazh në lidhje me barërat mjekësore kundër COVID-19 për të cilin ju referoheni është i pa vërtetë dhe nuk është shpërndarë ose krijuar nga Tata Health. Sidoqoftë, lidhja në mesazh është e saktë dhe çon në një shërbim të ofruar nga ne”, ka shkruar zëdhënësi i Tata Health për The Logical Indian.
Vegëza e artikullit nga The Logical Indian:
https://thelogicalindian.com/fact-check/tata-health-recommendations-covid-19-whatsapp-forward-21701
