Bill Gates është një nga figurat më të urryera të kultit të teorive konspirative QAnon.
Për këtë arsye edhe lajmi për ndarjen e qiftit Gates (Bill dhe Melinda), ka ngjallur reagime të kësaj lëvizje konspiracioniste.
Pothuajse menjëherë, një mori komplotesh të pabazuara dhe të neveritshme po shpërndaheshin dhe promovoheshin në bordet e mesazheve QAnon dhe kanalet e Telegramit.
Medium kanadez Vice shkruan se si Bill Gates është bërë fokusi kryesor i anti-vaksinave dhe komplotuesve QAnon gjatë 12 muajve të fundit si pjesë e një pretendimi të pabazuar se ai krijoi pandeminë covida-19 për të krijuar vaksina në të cilat do vendoset edhe një mikroçip biometrik për të kontrolluar njerëzit në mbarë botën.
Lajmi për divorcin zgjoi shumë teori konspiracioni dhe një numër të madh pyetjesh.
Teoria dominuese e përhapur nga ndjekësit e QAnon është se divorci është rezultat i Melinda Gates që në të vërtetë është një burrë. Në fakt, ideja që Melinda Gates është zëvendësuar disi nga një klon mashkull është përhapur nëpër qarqet e QAnon për disa kohë.
Por kjo ishte vetëm një nga shumë teoritë që përpiqeshin të shpjegonin divorcin. Shumë fotomontazhe bazohen në pretendimin se Melinda Gates po e lë burrin e saj për një “mjek të vërtetë”, duke përhapur kështu një meme që tregon një version të posterit për filmin Pretty Woman me protagonistë Richard Gere dhe Julia Roberts.
Në vend të kësaj, titulli i filmit është modifikuar me një titull tjetër – Pretty Wuhan – dhe rolet kryesore luhen nga këshilltari mjekësor i presidentëve të SHBA Anthony Fauci dhe Melinda Gates.
Në Gab, Telegram dhe GreatAëakening, teoritë konspirative po përhapet duke pretenduar se divorci është vetëm një mashtrim për të mbrojtur pasurinë e madhe të një çifti, edhe pse Bill dhe Melinda Gates u zotuan të dhuronin gjysmën e pasurisë së tyre para se të vdisnin.
Megjithatë, ndjekësit e QAnon pretendojnë se ish-Presidenti amerikan, Donald Trump, do të kthehet për të marrë hak për krimet e pretenduara nga Gates.
“Ata po divorcohen për të siguruar një pjesë të parave të tyre sepse Trump do të marrë paratë e Bill Gates për krime kundër njerëzimit”, shkroi Susan, një anëtare e kanalit Telegram.
(Artikulli i plotë në gjuhën shqipe mund ta gjeni në vice.com)
