Disa faqe në Facebook kanë publikuar sot (06 mars) një artikull me titull “Cfare po ndodh Afro 100 mijë shqiptarë me banim në Zvicër, s’mund të udhëtojnë në vendlindje. Ja pse”.
Artikulli i postuar nga këto faqe në Facebook është publikuar më 8 shkurt nga portali i dyshimtë me përmbajtje në gjuhën shqipe “truenewsq.com”. (këtu)
Hibrid.info ka verifikuar faktet e paraqitura në artikull dhe pas hulumtimit përmes makinave online të kërkimit është vërtetuar se dhe lajmi është i vjetër, i publikuar në dhjetor të vitit 2020, atëkohë kur Zvicra kishte vendosur rregullat e hyrjes sipas situatës aktuale epidemiologjike, me ç ‘rast kishte zgjeruar edhe listën e “vendeve në rrezik” nga koronavirusi.
Vegëza e artikullit të publikuar në Facebook nga faqet “Muzike Shqiptare”, “Shqip Today”, “Lajme Reale 1”:
Pas hulumtimit përmes makinave online të kërkimit, hibrid.info ka gjetur artikullin e publikuar në kohë reale (06 dhjetor) nga disa mediume në gjuhën shqipe. (këtu, këtu)
Faqet e ndryshme në Facebook duke e ri-publikuar janë munduar ta paraqesin këtë lajm të vjetër si aktual.
Analiza:
Disa faqe në Facebook kanë publikuar një artikull të vjetër (dhjetor 2020) në lidhje me kufizimet e lëvizjes në Zvicrës për shkak të koronavirusit.
Këtë artikull, këto faqe në facebook janë munduar ta paraqesin si aktual.
Bazuar në metodologjinë e punës, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
