Gjatë tre muajve të parë të këtij viti, në tërë botën kanë vdekur të paktën 800 njerëz shkaku i dezinformimit për COVID-19.
Gazeta Amerikane e Mjekësisë Tropikale dhe Higjenës, gjatë një studimi të botuar, shkruan se rreth 5 mijë e 800 njerëz u pranuan në spitale si rezultat i informacionit të rremë në mediat sociale për virusin Korona, raporton BBC.
Shumica e tyre gjetën vdekjen nga pirja e metanolit ose produkteve të tjera të pastrimit të bazuar në alkool, pasi besuan që këto produkte ishin ilaç për virusin.
Organizata Botërore e Shëndetësisë (OBSH) ka thënë më parë se lajmet e rreme për COVID-19 po përhapen po aq shpejt sa vetë virusi, pasi që rreth tij po qarkullojnë shumë teori konspirative dhe thashetheme të cilat rezultojnë me numër të madh të vdekjeve dhe problemeve të tjera shëndetësore.
Vegëza e raportit të BBC-së: