Portali shqip “KosAlb.net” ka publikuar një shkrim me titull “Shqipëria goditet këto dy ditë nga një… Del parashikimi i fortë”, e ndërsa brenda në tekst është vetëm parashikimi i motit për ditët e ardhshme.

Titulli i këtij teksti është i ekzagjeruar dhe duke se ka pasur për qëllim që të ngjallë kureshtje dhe ndoshta frikë te lexuesit, duke i shtyrë ata që të klikojnë në të.

---

Teksti origjinal i publikuar në KosAlb.net:

Shqipëria G Oditet Këdo Dy Ditë Nga Një…Del Parashikimi I Fortë

Sinoptikanet nga SHMU kane publikuar parashikimin e motit për dy ditët në vijim:

Vendi ynë vijon të ndikohet nga kushtet e qëndrueshme atmosferike dhe në këtë mënyrë vijojnë edhe ditët me mot të kthjellët dhe të nxehtë. Por, duke nisur nga dita e nesërme gradualisht mbi rajonin e Ballkanit depërtojnë masat e nxehta nga Afrika e Veriut.

Në këtë mënyrë edhe nesër pritet mot i kthjellët në të gjithë territorin por njëkohësisht i nxehtë. Temperaturat në vlerat e mëngjesit parashikohen me një rritje të lehta nga 15°C në zonat malore deri në 22°C në ato të ulta. Në vlerat e mesditës parashikohet një rritje prej 2-3 grad dhe temperatura nga 33°C në zonat malore deri në 37-38°C në ato të ulta.

Po kështu edhe dita e Shtunë do të ketë mot të kthjellët në të gjithë territorin përjashtuar vranësirat e pakta kalimtare në relievet malore. Era për këto dy ditë do të fryjë me drejtim nga kuadrati i jugut kryesisht e lehtë dhe shpejtësi 1-10m/s.

---

Analizë:

Titulli është lënë në këtë formë, sepse audienca e Shqipërisë është tronditur gjatë vitit të kaluar shkaku i tërmeteve të njëpasnjëshme që ndodhën në këtë vend. Por në fakt, titulli i këtij teksti është vetëm një nxitje për ta klikuar artikullin. Ky lajm hyn në kategorinë “Clickbait” dhe “Manipulim i fakteve”.

---

Arsyetimi:

Clickbait –  “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.

Share With Others