Faqja “The Reis” në Facebook ka publikuar me datë 14 shtator një video-material me mbishkrimin “Një burrë që priste të shpëtohej në mes të një përmbytjeje në Libi u lut nën rrënojat e një shtëpie”.
Pas hulumtimit përmes platformës online për verifikim faktesh “InVID”, hibrid.info ka vërtetuar se videoja nuk paraqet pamje të përmbytjeve të shtatorit që ndodhën në Libi, por e njëjta është realizuar në dhjetor të vitit 2022 në qytetin Jeddah në Arabinë Saudite.
Vegëza e postimit të video-materialit nga faqja “The Reis” në Facebook:
https://www.facebook.com/Reis1954/videos/6742195595845301/
Hibrid.info ka arritur të vërtetojë se pamjet e shfaqura në video-material janë realizuar në vitin 2022 pasi shirat e dendur kishin goditur qytetin Jeddah në dhjetor të vitit 2022.
Videoja ishte publikuar me datë 1 dhjetor 2022 nga ueb-faqja “saudi-expatriates.com”. (shih këtu)
Analiza:
Faqja në Facebook “The Reis” ka publikuar një video-material të realizuar në dhjetor të vitit 2022 në qytetin Jeddah të Arabisë Saudite, me pretendimin se pamjet paraqesin përmbytjet në Libi, që ndodhën në muajin shtator.
Bazuar në metodologjinë e punës, hibrid.info e vlerëson këtë postim si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.