Portali informativ “sot.com.al” ka publikuar me datë 16 shtator artikullin me titull “Çfarë po ndodh? 21 persona akuzohen për kontrabandë me kokainë, mes tyre kryetari komunës dhe zyrtarë të policisë”.
Pas verifikimit të fakteve të kryer nga hibrid.info, është vërtetuar se titulli nuk sqaron se për kryetarin e cilës komunë bëhet fjalë.
Lajmi qartësohet vetëm në përmbajtje, më saktësisht në kreun e lajmit, kur thuhet se, “Pas një hetimi disa mujor, Prokuroria e Posaçme për Krimin e Organizuar të Malit të Zi ngriti aktakuzë kundër 21 personave, duke përfshirë oficerë të lartë policie dhe operativë, kryetarin e komunës së Budvës dhe drejtuesit dhe anëtarët e dyshuar të klaneve malazeze të drogës”.
Duke u bazuar në seksionin “Kontakt” në ueb-faqen e këtij portali informativ, ku adresa e tij shfaqet të jetë në Tiranë (këtu), kjo bën që titulli përgjithësues të lë vend për keqinformim te lexuesit se bëhet fjalë për gazetar nga ndonjë vend shqipfolës.
Vegëza e artikullit të publikuar në portalin “sot.com.al”:
Hibrid.info ka gjetur artikullin e publikuar nga disa media online të cilat kanë raportuar saktë në lidhje me këtë ngjarje. (shih këtu dhe këtu)
Analiza:
Portali informativ “sot.com.al” ka publikuar një artikull në lidhje me arrestimin e kryetarit të Komunes së Budvës, por që në titull nuk sqarohet se për kë bëhet fjalë.
Bazuar në metodologjinë e punës, hibrid.info e vlerëson këtë artikull si “Clickbait”.
Arsyetimi:
Vlerësimin “Clickbait” e marrin ato tekste titujt e të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.