Një faqe në median sociale Facebook që mban emrin “???????????????????????? ????????????????????????” ka publikuar një video-material të gjatë mbi 3 orë, duke pretenduar se kryetari i subjektit politik Aleanca Kosova e Re (AKR), Behgjet Pacolli, përmes një video-paraqitje të drejtpërdrejtë, po e paralajmëron një shpërblim për audiencën.
Në përshkrimin e këtij video-materiali shkruan “oti ju bekofte te gjitheve!! 300 personat e parë që do të thonë “Përshëndetje”, do t’u jap 10,000 € fatlumëve, tani e tutje”.
Hibrid.info ka verifikuar këtë video-material, i cili është vërtetuar se është i vjetër, i publikuar në vitin 2016 dhe nuk ka të bëjë me ndonjë shpërblim për audiencën, siç pretendohet nga faqja e lartcekur.
Në këtë video-material, kryetari i AKR-së, kishte folur në Facebook për tema të ndryshme si, pranimin e Kosovës në FIFA, liberalizimin e vizave, e zhvillimin ekonomik.
Video-materiali i publikuar më 15 nëntor nga faqja “???????????????????????? ????????????????????????”në Facebook:
https://www.facebook.com/100090309257864/videos/3597728773889827/
Pas hulumtimit të kryer, hibrid.info ka arritur të gjejë këtë video-material të publikuar në llogarinë zyrtare të Behgjet Pacollit në Facebook.
Pacolli këtë video e kishte realizuar me datë 17 maj 2016. (shih këtu)
Vlen të ceket se kjo faqe në Facebook me emrin “???????????????????????? ????????????????????????” aktualisht numëron vetëm 88 ndjekës (shih këtu), por në këtë video material ka arritur të grumbullojë mbi 18 mijë shikime dhe mijëra komente.
Analiza:
Një faqe në Facebook me emrin “???????????????????????? ????????????????????????” ka publikuar një video të kryetarit të AKR-së, Behgjet Pacollit me pretendimin ta paraqesë atë si thirrje për një aktivitet shpërblyes.
Hibrid.info ka verifikuar faktet e paraqitura dhe ka vërtetuar se video e Pacollit është e vjetër (2016), përmes së cilës ai kishte biseduar me komentuesit në një paraqitje të drejtpërdrejtë përmes Facebook për tema të ndryshme.
Bazuar në metodologjinë e punës, hibrid.info e vlerëson këtë video-material të publikuar nga faqja e lartcekur si “Mashtrim”.