Shkroi: Fatbardh Dema
Pretendohet se sipas njoftimeve në platformën online të Komunës së Prishinës “prishtinaonline.com” nuk ka asnjë konkurs për regjistrimin e fëmijëve në institucionet parashkollore për vitin 2024-2025.
Ky pretendim u ngrit nga faqja “Vrojtuesit e lagjes – Prishtinë” në Facebook, duke aluduar se Komuna e Prishtinës ka publikuar listën e fëmijëve të pranuar në institucionet parashkollore, pa e publikuar paraprakisht konkursin.
Cila është e vërteta?
Pas hulumtimit të kryer nga hibrid.info, u vërtetua se pretendimi i ngritur nga faqja e lartcekur nuk qëndron. Kjo për faktin se në platformën “prishtinaonline.com” gjendet i publikuar konkursi me datë 3 qershor.
Vegëza e postimit të publikuar nga faqja “Vrojtuesit e lagjes – Prishtinë”:
https://archive.is/C7VSQ#selection-1349.0-1349.155
Postimi i publikuar nga faqja “Vrojtuesit e lagjes – Prishtinë” në Facebook:
Sipas njoftimeve ne platformen online – prishtinaonline nuk ka asnje konkurs per regjistrimin e femijeve ne institucionet parashkollore per vitin 2024-2025, gjersa del njoftimi per listen e femijeve te pranuar.
Si eshte e mundur Perparim Rama?
Kryeqyteti Prishtina
Pas hulumtimit në platformën “prishtina-online.com”, hibrid.info ka gjetur konkursin për regjistrimin e fëmijëve në institucionet parashkollore publike të Komunës së Prishtinës për vitin 2024-2025, të publikuar me datë 3 qershor. (shih këtu)
Njoftimi për fëmijët e pranuar në institucionet parashkollore, u publikua me datë 5 korrik 2024 në platformën “prishtinaonline.com”. (shih këtu)
Analiza:
U pretendua se Komuna e Prishtinës në platformën e saj online “prishtinaonline.com” ka publikuar listën e fëmijëve të pranuar në institucionet parashkollore, pa e publikuar paraprakisht konkursin.
Ky pretendim doli të jetë i pasaktë. Hibrid.info ka gjetur konkursin e publikuar në “prishtinaonline.com” që shënon datën 3 qershor.
Bazuar në metodologjinë e punës, hibrid.info e vlerëson këtë përmbajtje si “Dezinformatë”.
Arsyetimi:
Vlerësimin si “Dezinformatë” e merr ajo përmbajtje informative e cila në vete përmban një “miks” të burimeve të pasakta apo edhe atribute gjysmë të vërteta, e që krijohet dhe/apo shpërndahet me qëllim të paramenduar për të shkaktuar dëm. Prapa motivit të prodhuesve/shpërndarësve të përmbajtjeve dezinformuese qëndron arritja e një qëllimi politik, financiar, psikologjik apo social.