Portali i dyshimtë “konakushqiptar.com” ka publikuar një artikull me titull tendencioz “Bleni miell sa më shpejtë, ja se çfarë kaosi po pritet të ndodhë në muajin Shtator”.
Lajmi është i vjetër, i cili është publikuar në mediat kredibile në prill të vitit 2020 dhe ka të bëjë me mullistët kosovarë, të cilët atëkohë kishin paralajmëruar pezullimin e prodhimit të miellit për shkak të lëvizjes së çmimit të importit nga Serbia. Pra, nuk ka asgjë të vërtetë se pritet kaos në muajin shtator.
Ky portal i dyshimtë ka vënë një titull tendencioz në këtë artikull, duke përhapur panik te lexuesit, me pretendimin se diçka e jashtëzakonshme pritet të ndodhë në muajin shtator.
I njëjti artikull është shpërndarë edhe më herët nga portale të dyshimta, dhe është verifikuar nga stafi i hibrid.info.
Vegëza e artikullit të publikuar në portalin e dyshimtë “konakushqiptar.com”:
Ky artikull është shpërndarë edhe në rrjetin social Facebook nga faqja “Gazeta Aktive”, ku ka arritur të grumbullojë mbi 150 komente e afër 300 reagime.
https://www.facebook.com/GazetaAktive/posts/195158442654181
Një artikull i tillë ka tendencë të dezinformojë lexuesit, duke përhapur panik se në shtator pritet të ndodhë kaos, si dhe duke bërë thirrje që të blihet sa më shumë miell.
Hibrid.info, edhe më parë ka trajtuar artikullin e njëjtë por që është publikuar nga portal tjetër i dyshimtë.
Vegëza e artikullit të trajtuar nga hibrid.info:
Analiza:
Portali i dyshimtë “konakushqiptar.com” ka publikuar një lajm të vjetër të cilin është munduar ta paraqesë si aktual duke i vënë edhe titull tendencioz që mund të përhapë panik te lexuesit.
Pas analizës së kontrollit të fakteve të kryer nga hibrid.info, ky artikull merr vlerësimin si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.