Një fragment i një interviste me Bill Gates është nxjerrë jashtë kontekstit nga përdoruesit e mediave sociale, të cilët pretendojnë se filantropi miliarder “pranoi” se vaksinat kundër COVID-19 nuk janë shumë efektive.
Versionet e pretendimit janë parë nga gati një milion njerëz në Twitter (këtu dhe këtu) dhe Facebook.
Në një postim në Twitter, që ka gjeneruar reagime të shumta thuhet: “Ky është një pranim i qartë se vaksinat mRNA dhe rAdV për COVID nuk po funksionojnë mirë”.
Megjithatë, ky është një keqinterpretim i fjalëve të përdorura nga Gates, i cili po fliste me ish-sekretarin e shëndetësisë të Britanisë, Jeremy Hunt, më 5 nëntor për një sërë temash, duke përfshirë COVID-19, ndihmën e huaj dhe ndryshimet klimatike.
Intervista u organizua nga Policy Exchange, një institut britanik i mendimit (shiko klipin e plotë këtu).
Kur u pyet nga Hunt për gatishmërinë për pandeminë e ardhshme, Gates u përgjigj: “Unë do të prisja që kjo do të bënte që buxhetet [kërkimit dhe zhvillimit] të përqendrohen në gjërat tjera , krahasuar me ato që janë bërë tash”.
“Ne nuk kemi arritur të kemi vaksian që e bllokojnë komplet bartjen/transmetimin e virusit. Kemi marrë vaksina që zvogëlojnë transmetimin dhe që ndihmojnë në shëndetin tuaj. Pra, ne kemi nevojë për një mënyrë të re për të bërë vaksinat”.
Është e vërtetë që vaksinat aktuale të COVID-19 nuk e ndalojnë transmetimin e virusit (këtu). Megjithatë, ato janë shumë efektive në parandalimin e sëmundjeve të rënda.
Shkencëtarët kanë vlerësuar se vaksinat e COVID-19 shpëtuan 140,000 jetë në Shtetet e Bashkuara deri në maj (këtu).
Në Britani, ekspertët e shëndetit thanë në qershor se vaksinat kishin shpëtuar 27,000 jetë vetëm në Angli (këtu).
Hulumtimi është gjithashtu duke u zhvilluar për llojet e reja të vaksinave që mund të bllokojnë transmetimin, si dhe të ofrojnë mbrojtje shëndetësore (këtu).
(Artikulli i plotë në Reuters)