Një shpikje e diskutueshme për një ilaç bimor, është shpërndarë sërish si lajm në media në Indi, me pretendime të reja se është efektive kundër virusit Korona.
Substanca e quajtur Coronil, u lansua së fundmi në një ngjarje ku morën pjesë disa ministra të qeverisë indiane.
Por nuk ka asnjë provë për efektshmërinë e saj, ndërsa pretendimet për miratimin e përdorimit të këtij ilaçi, duket të jenë mashtruese.
Çfarë dimë për substancën në fjalë?
Është një kombinim i bimëve të përdorura në mjekësinë tradicionale indiane dhe të shitura nga Patanjali, një kompani e madhe e mallrave të konsumit në Indi, nën emrin Coronil.
Ajo u shfaq për herë të parë në qershor të vitit të kaluar, e promovuar nga mësuesi i famshëm i jogës, baba Ramdev, duke e quajtur atë – pa asnjë bazë – si një “kurë” për Covid-19.
Por marketingu i këtij ilaçi u ndaluar pas një ndërhyrje nga qeveria indiane, pasi ishte konstatuar se nuk kishte të dhëna që tregojnë se kishte efekt në trajtim.
Megjithatë, qeveria indiane kanë dhënë urdhrin për shitjen e këtij ilaçi si “një përforcues i imunitetit”.
Prania e Dr. Vardhan tërhoqi kritika nga “Shoqata Mjekësore Indiane”, të njohur si trupi më i madh i mjekëve në Indi.
Promovimin e një “ilaçi joshkencor” në prani të ministrit të shëndetësisë, ky grup e quajti si një “fyerje për popullin e Indisë” dhe i kërkuan ministrit të sqaronte nëse ai e mbështeste atë si një kurë.
BBC ka kontaktuar Ministrinë e Shëndetësisë së Indisë për të pyetur në lidhje me praninë e Dr. Vardhan në ngjarje, por nuk kanë marrë një përgjigje deri në kohën e botimit të këtij artikulli. Kompania Patanjali mbrojti pjesëmarrjen e ministrit.
Cilat janë pretendimet e bëra në lidhje me Coronil?
Kompania vazhdon të këmbëngulë se produkti i saj funksionon kundër Covid-19.
“Ai ka trajtuar dhe shëruar njerëz,” i tha BBC-së, Acharya Balkrishna, drejtor menaxhues i Patanjali.
Ky zyrtar ka tentuar që t’u referohet në disa provave shkencore, rezultatet e të cilave thotë se janë botuar në disa revista të vlerësuara nga kolegët.
Ai tregoi posaçërisht për një studim nga nëntori i vitit 2020 në një ditar të botuar nga MDPI me bazë në Zvicër, i cili ishte bazuar në një provë laboratorike.
Sidoqoftë, ky studim u krye tek peshqit, që nuk paraqet provë që dëshmon se Coronil mund të shërojë koronavirusin tek njerëzit.
Thuhet vetëm se “rezultatet e marra nga studimi i tanishëm para-klinik kërkojnë prova të hollësishme klinike tek njerëzit”.
Dr Michael Head, një ekspert i shëndetit global në Universitetin e Southampton në Mbretërinë e Bashkuar, i tha BBC-së se ka një ndryshim të madh midis bërjes së provave para-klinike në laborator dhe marrjes së miratimit rregullator për diçka që funksionon te njerëzit.
“Shumë ilaçe tregojnë disa premtime të mundshme në laborator, por kur provohen te njerëzit, ato thjesht nuk funksionojnë për një larmi arsyesh”, thotë ai.
Një provë njerëzore u krye midis majit dhe qershorit të vitit të kaluar tek mbi 95 pacientë që kishin rezultuar pozitiv për koronavirus.
Nga këta, 45 morën trajtimin dhe 50 ishin pjesë e një grupi placebo (të cilët nuk morën asgjë).
Kompania Patanjali vuri në dukje se rezultatet janë shfaqur në një revistë të vlerësuar të quajtur Science Direct.
