Disa postime të shpërndara në rrjetë sociale, me pretendimin se varianti Delta i virusit që shkakton COVID-19 vjen nga vaksinat, janë të pavërteta.
Një nga shembujt e këtyre postimeve në rrjetet sociale, me këtë pretendim me titull “krijoni problemin dhe shisni zgjidhjen. #butthatsnoneofmybusiness”:
https://www.facebook.com/erinmarie05/posts/10165553137910357
Variantet e COVID-19 nuk rrjedhin nga vaksina. Vaksina nuk mund të replikojë virusin. Disa nga udhëzimet e Qendrave për Kontrollin dhe Parandalimin e Sëmundjeve (CDC) që shpjegojnë se si vaksinat e ARN-së sigurojnë vetëm udhëzime për qelizat në trupin e njeriut se si të bëjnë një “proteinë spike”:
https://www.cdc.gov/coronavirus/2019-ncov/vaccines/different-vaccines/mrna.html
Delta është një nga katër variantet e reja të virusit Korona që krijon shqetësim në Shtetet e Bashkuara të Amerikës (SHBA) (këtu). I quajtur gjithashtu B.1.617.2, Delta e ka origjinën në Indi dhe u identifikua në ShBA në mars të këtij viti 2021 (bit.ly/3rlcxAi). Varianti Delta është një mutacion i virusit origjinal COVID-19 (SARS-CoV-2).
Në videon pasuese të Organizatës Botërore të Shëndetësisë, jepen ilustrime për mënyrën e krijimeve të varianteve të reja nga një virus “prind”:
Një artikull i mëparshëm i kontrollit të faktit të Reuters, tregon se si vaksinimi nuk shkakton variante të reja COVID-19 (këtu).
Reuters gjithashtu rrëzoi pretendimet se varianti Delta nuk ishte i vërtetë në më shumë detaje, (këtu).
Një zëdhënëse e CDC, Kate Grusich, tha për Reuters përmes postës elektronike se “asnjë nga vaksinat e autorizuara për përdorim në SHBA nuk përmban virusin e gjallë që shkakton COVID-19
Nga CDC kanë thënë se “viruset ndryshojnë vazhdimisht përmes mutacionit, dhe pritet të ketë edhe variante të reja të një virusi”. Kërkimi dhe monitorimi i varianteve vazhdojnë ndërsa evoluon COVID-19. Ndjekja e të dhënave COVID-19 në ShBA, duke përfshirë variante, mund të shihet këtu.
(Artikull i publikuar nga Reuters)