Disa faqe në Facebook kanë postuar një artikull dje (2 prill) me titull “Kurti: Serbët në veri mund të ngritin barrikada dhe të sulmojnë Policinë përsëri”.
Artikulli i postuar nga këto faqe në Facebook është publikuar më 14 shkurt nga portali i dyshimtë me përmbajtje në gjuhën shqipe “freshnews201.com”. (këtu)
Hibrid.info ka verifikuar faktet e paraqitura në artikull dhe, pas hulumtimit përmes makinave online të kërkimit, është vërtetuar se ky artikull është i vjetër, i publikuar në media më 13 shkurt, atëkohë kur kryeministri i Kosovës, Albin Kurti e kishte bërë këtë deklaratë pas shkatërrimit të laboratorëve të drogës në veri të Kosovës.
Vegëza e artikullit të publikuar në Facebook nga faqet “Gazeta ALB” dhe “Albini për Kosovën”:
Pas hulumtimit përmes makinave online të kërkimit, hibrid.info ka gjetur artikullin e publikuar në kohë reale (13 shkurt) nga disa mediume në gjuhën shqipe. (këtu, këtu)
Përderisa deklarata e mësipërme është bërë pas shkatërrimit të laboratorëve të drogës në veri të Kosovës, faqet e ndryshme në Facebook duke e ri-publikuar janë munduar ta paraqesin këtë deklaratë të vjetër të Kurtit si aktuale duke lënë hapësirë të kuptohet si të ndërlidhur me zhvillimet e fundit në veri të vendit ku u sulmuan zyrtarët policor në veri të Mitrovicës.
Pra, deklarata është e nxjerrë jashtë kontekstit të zhvillimeve, për të cilën është bërë.
Kryeministri Kurti, gjerë më tani nuk ka bërë ndonjë deklaratë lidhur me sulmin ndaj zyrtarëve policor në veri të Mitrovicës.
Analiza:
Deklarata e vjetër e kryeministrit Kurti se “Serbët në veri mund të ngritin barrikada dhe të sulmojnë Policinë përsëri”, është ri-publikuar si aktuale.
Përderisa deklarata e mësipërme është bërë pas shkatërrimit të laboratorëve të drogës në veri të Kosovës, faqet e ndryshme në Facebook duke e ri-publikuar, kanë lënë hapësirë të kuptohet si ndërlidhur me zhvillimet e fundit në veri të vendit, ku u sulmuan zyrtarët policor në veri të Mitrovicës.
Bazuar në metodologjinë e punës, hibrid.info vlerëson këtë artikull si “dezinformatë”.
