Portali “GazetaExpress.com” ka publikuar sot (15 tetor) një artikull me pretendimin se çmimi i benzinës dhe gazit është shtrenjtuar për 1 cent në krahasim me një ditë më herët (14 tetor).
Mirëpo, pas verifikimit të fakteve, hibrid.info ka vërtetuar se ky pretendim i bërë nga “GazetaExpress.com” nuk është i saktë.
Në njoftimin e Ministrisë së Industrisë, Ndërmarrësisë dhe Tregtisë (MINT) të bërë sot (15 tetor) bëhet e qartë se vetëm çmimi i benzinës është ngritur për 1 cent në krahasim me atë të një dite më herët (14 tetor). Pra, çmimi i naftës dhe ai i gazit ka mbetur i njëjtë.
Ndërsa edhe portali tjetër “Periskopi.com” që ka publikuar artikullin e “GazetaExpress.com” në titull ka pretenduar gabimisht se është shtrenjtuar çmimi i naftës, ndërsa në përmbajtje thuhet se “krahasuar me dje, çmimi i naftës ka mbetur i njëjtë”.
Edhe ky portal, njëjtë si “GazetaExpress.com” në përmbajtje ka pretenduar gabimisht se është shtrenjtuar edhe çmimi i gazit.
Pjesë nga artikulli i publikuar në portalin “GazetaExpress.com”:
Sipas vendimit të MINT, çmimi maksimal i lejuar për shitjen e naftës është 1 euro e 79 centë, I benzinës 1 euro e 41 centë, derisa i gazit 75 centë.
Krahasuar me dje, çmimi i naftës ka mbetur i njëjtë, derisa i benzinës dhe gazit është shtrenjtuar për 1 cent.
Vegëza e artikullit të publikuar në portalin “GazetaExpress.com”:
https://www.gazetaexpress.com/tavani-i-cmimeve-per-derivate-ne-24-oret-e-ardhshme-ka-shtrenjtime/
Titulli i artikullit të publikuar në portalin “Periskopi.com”:
Shtrenjtohet sërish nafta, ky është tavani i çmimeve për 24 orët e ardhshme
Vegëza e artikullit të publikuar në portalin “Periskopi.com”:
Në njoftimin e MINT të datës 14 tetor bëhet e ditur se çmimi tavan i naftës për 24 orë do të jetë 1. 79 € për litër, benzina 1.40 € për litër dhe gazi 0.75 € për litër. (shih këtu)
Ndërsa në njoftimin e kësaj ministrie të bërë sot (15 tetor) bëhet e ditur se vetëm çmimi i naftës ka pësuar rritje për 1 cent (1.41€), ndërsa ai i benzinës dhe gazit ka mbetur i njëjtë. (shih këtu)
Analiza:
Portalet “GazetaExpress.com” dhe “Periskopi.com” kanë gabuar gjatë raportimit të çmimeve të derivateve.
Bazuar në metodologjinë e punës, hibrid.info i vlerëson këta artikuj si “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.