Mediat online në gjuhën shqipe, kanë publikuar një artikull me titull “Ngjyra e syve zbulon se çfarë lloj personi jeni”.
Mediat si “rtklive.com”, “kosovapress.com” dhe “gazetametro.net”, e kanë publikuar këtë artikull, por pa cituar asnjë burim apo referencë në lidhje me pretendimet e paraqitura brenda përmbajtjes.
Pjesë nga teksti origjinal i këtij artikulli:
Ngjyra e syve varet nga përbërja gjenetike e organizmit, kështu që nuk është për t’u habitur që mjekët kanë arritur të lidhin karakteristikat e personalitetit me këtë tipar.
Këtu është një udhëzues i shkurtër se çfarë mund të thotë ngjyra e syve në kontekstin e sjelljes, jetës dhe qëndrimeve tuaja.
Vegëzat e artikullit të publikuar në disa media kosovare:
https://www.rtklive.com/sq/news-single.php?ID=467761
https://kosovapress.com/ngjyra-e-syve-zbulon-se-cfare-lloj-personi-jeni/
Në këtë artikull përmenden disa mjekë të cilët kanë arritur të lidhin karakteristikat e personalitetit me tiparin e syve, por pa u përmendur emrat dhe specifika tjera rreth tyre si dhe rreth studimit të pretenduar.
Analiza:
Ky shkrim nuk ka burim të informacionit. Gjithashtu, faktet që paraqiten në tekst nuk janë të verifikuara. Ky tekst kategorizohet si “Pseudoshkencë”.
Arsyetimi:
Pseudoshkencë – Vlerësim si “Pseudoshkencë” merr ai raportim mediatik që përpiqet të paraqesë disa mendime, qëndrime, vlera ose gjetje të marra nga një metodë jo-shkencore dhe ti paraqesë ato si zbulime shkencore ose fakte. Raporte të tilla shpesh keqinterpretojnë ose manipulojnë kërkimet shkencore ekzistuese, ose i referohen hulumtimeve që janë në kundërshtim me verifikimin shkencor dhe gjetjen e fakteve.