Imazhet e trupave të shpërndara nëpër rrugët e Buça, të vrarë në formë ekzekutimi, tregojnë fytyrën e vërtetë të Rusisë së Putinit. Këto imazhe flasin më shumë se fjalët për natyrën dhe qëllimet e luftës së Rusisë kundër Ukrainës. Megjithatë, mediat pro-Kremlinit të përforcuara nga llogaritë diplomatike ruse në mediat sociale po përpiqen të errësojnë faktet e krimeve të luftës.
Një provokim ukrainas, një organizim për të nisur Luftën e Tretë Botërore, një sulm i koordinuar nga mediat perëndimore, një shpërqendrim nga “laboratorët biologjikë të SHBA” në Ukrainë, një komplot britanik – janë narrativet e propagandistit rus, i sanksionuar nga BE, Vladimir Solovyov (këtu). (Dhe ato janë zhvlerësuar gjerësisht, shih për shembull: BBC (këtu), Bellingcat (këtu), Insider (këtu), MediaZona (këtu), NYT (këtu) dhe të tjera).
Kremlini po përpiqet të pushtojë hapësirën e informacionit duke e vërshuar me “shpjegime” kontradiktore të ngjarjeve. Qëllimi nuk është vetëm të shfajësohet për këtë mizori të veçantë kundër civilëve paqësorë, por gjithashtu të formësojë paraprakisht narrativat për kundërshtimin dhe diskreditimin e çdo prove apo hetimi për krimet ruse të luftës në Ukrainë. Agjencia ruse e lajmeve e kontrolluar nga shteti “RIA Novosti” (këtu) po punon shumë për të përmbushur tashmë këtë detyrë, duke pretenduar se Ukraina po përgatit një “provokim” në Kherson, që përfshin vdekjen e civilëve…
Këto taktika të përmbytjes dhe të pushtimit parandalues të hapësirës së informacionit dalin direkt nga libri i dezinformatave të Kremlinit dhe u aplikuan më parë, për shembull në pasojat e rrëzimit të fluturimit MH17 nga Rusia. Baza e të dhënave EUvsDisinfo përmban qindra shembuj të pretendimeve të dezinformimit pro-Kremlinit që pretendojnë, ndër të tjera, se si vrasja e civilëve në Buça, vrasja e civilëve në bordin e MH17 ishte një provokim dhe një organizim për të fajësuar Rusinë, duke përfshirë këtu edhe për “kufomat e rreme”.
(Artikulli i plotë në gjuhën angleze i EUvsDisinfo)