Tre nga rrjetet më të mëdha sociale janë zotuar se do t’i bashkojnë forcat me kontrolluesit e fakteve, qeveritë dhe studiuesit për t’u përpjekur të gjejnë një mënyrë të re për të trajtuar dezinformimin.
Siç raporton BBC, shtysa kryesore për ta marrë këtë iniciativë ka ardhur nga rritja e numrit të dezinformatave rreth vaksinave të COVID-19, të cilat po e shtojnë konfuzionin tek popullata globale rreth efikasitetit të tyre. Kjo po ndodh tash, në kohën kur shumë vende po përgatitën të nisin vaksinimin e qytetarëve, për t’i dhënë fund kësaj pandemie.
Nuk është ende e qartë se si do të ndodhë kjo luftë nga këta tre gjigandë (YouTube, Facebook dhe Twitter).
Organizatat e kontrollit të fakteve do të jenë ndërë kontribuesit kryesor në këtë luftë.
Përveç Facebook, YouTube dhe Twitter, në këtë aleancë janë bashkuar edhe Departamenti i Mbretërisë së Bashkuar për çështje digjitale, Kulturë, Media dhe Sport; Instituti i Reutersit për studime të Gazetarisë; Africa Check; Zyra e Këshillit të Privatësisë së Kanadasë, dhe pesë organizata të tjera ndërkombëtare për kontrollimin e fakteve.
Me financim nga Facebook, një kornizë fillestare do të fillojë së aplikuari në janar, duke përcaktuar standarde të reja për trajtimin e dezinformatave, si dhe një sërë synimesh që kanë për qëllim për të gjetur mënyrën më të mirë për t’iu përgjigjur një informacioni të tillë.
Kjo iniciativë e fundit është si përpjekje për të rënë dakord për krijimin e një qasje të përbashkët ndaj dezinformatave për virusin Korona dhe keqinformimit rreth vaksinave.
Lajmin e plotë në gjuhën angleze të publikuar në BBC, mund ta lexoni në vegëzen pasuese:
