Portali informativ “Veriu.info” ka publikuar dje (22 gusht) një artikull me titull “Rekord: Një milionë euro të hyra në buxhetin e Kosovës”.
Pas verifikimit të fakteve të kryer nga hibrid.info, është vërtetuar se titulli është i shkruar gabim.
Në përmbajtje të artikullit, duke iu referuar njoftimit nga Dogana e Kosovës, përmes së cilit sqarohet se deri më sot (22 gusht) janë mbledhur 1 miliard euro, duke tejkaluar vitin e kaluar me 71 milionë euro apo 7.62%.
Vegëza e artikullit të publikuar në portalin “Veriu.info”:
Pjesë nga artikulli i publikuar në portalin “Veriu.info”:
Rekord: Një milionë euro të hyra në buxhetin e Kosovës
Është arritur një rekord i të hyrave, ku deri me sot janë mbledhur 1 miliard euro.
Kështu kanë bërë të ditur zyrtarët e Doganës së Kosovës.
Hibrid.info pas hulumtimit të kryer përmes makinave online të kërkimit, ka gjetur njoftimin e bërë nga Dogana e Kosovës në ueb-faqen zyrtare “dogana.rks-gov.net”, ku thuhet se “Dogana e Kosovës arrin edhe një rekord në të hyra, mbledh 1 miliard euro për buxhetin e Republikës së Kosovës”. (shih këtu)
Analiza:
Pas verifikimit të fakteve të kryer nga hibrid.info, është vërtetuar se portali “Veriu.info” ka raportuar gabimisht përmes titullit për të hyrat në buxhetin e shtetit gjatë këtij vitit nga Dogana e Kosovës, duke pretenduar se bëhet fjalë për një milionë euro.
Në njoftimin e Doganës së Kosovës thuhet se gjatë këtij vitit (deri më 22 gusht) janë mbledhur 1 miliard euro për buxhetin e Kosovës.
Bazuar në metodologjinë e punës, hibrid.info e vlerëson këtë artikull si “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.