Faqja në Facebook “Globi Islam” me datë 9 shtator ka publikuar një fotografi me pretendimin se pamja është shkrepur pas tërmetit që goditi Marokun më 10 shtator.
Kjo fotografi është verifikuar nga kontrollues faktesh nga India (NewsChecker.in), e cila është vërtetuar se nuk është realizuar pas tërmetit në Marok, por e njëjta është shkrepur pas cunamit dhe tërmetit që goditën qytetin Kisenuma, Japoni në mars të vitit 2011.
Vegëzat e postimit të publikuar në Facebook nga faqja “Globi Islam”:
https://www.facebook.com/photo?fbid=643105534578827&set=pcb.643105557912158
Newschecker.in ka arritur që këtë fotografi ta gjejë të publikuar me datë 11 mars 2011 në një faqe interneti të quajtur Kyodo News. (shih këtu)
E njëjta fotografi është gjetur e publikuar edhe me datë 12 mars 2011 nga ueb-faqja e televizionit NBC NEWS. (shih këtu)
Analiza:
Faqja “Globi Islam” në Facebook ka shpërndarë një fotografi duke pretenduar se ajo paraqet shkatërrimin nga tërmeti që goditi Maroku me 10 shtator, por në fakt e njëjta është shkrepur në vitin 2011 pas tërmetit masiv dhe cunamit që goditi Japoninë.
Ky postim i bërë nga faqja e lartcekur vlerësohet si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
