Portali online informativ “Gazetametro.net”, ka publikuar dje (8 prill) një artikull rreth importit të produkteve nga Serbia në Kosovë me titull “Serbia e ‘pushton’ Kosovën me mallra, partia në pushtet e ‘palon veshin’”.
Ndonëse në përmbajtje janë vënë të dhëna të konfirmuara, autori ka vendosur fotografi ilustruese, një imazh me një kolonë të kamionëve, që nuk përshkruan lajmin.
Pra, fotografia e artikullit nuk paraqet importin e mallrave me origjinë nga Serbia.
Artikulli i publikuar nga “Gazetametro.net”:
Përdorimi i kësaj fotografie si ilustrim për lajme rreth importit të mallrave serbe në Kosovë, është bërë edhe më herët nga media tjera online në Kosovë. (shembuj këtu, këtu, këtu dhe këtu).
Në fakt, ky imazh është kapur nga një ngjarje tjetër. Fotografia është bërë si lustrim i një lajmi që ndërlidhet me raportet në mes të dy shteteve tjera.
Në bazë të kontrollit të fakteve të bërë nga hibrid.info, është vërtetuar autenticiteti i fotografisë. Nga ajo që tregojnë veglat online për verifikim, shihet qartë se kjo fotografi është bërë në vitin 2009 dhe paraqet një kolonë të kamionëve në pikën kufitare “Kulata” në mes të Greqisë dhe Bullgarisë, që përshkruan një protestë të ndërmarrësve grekë, kundër disa vendimeve të Qeverisë së këtij vendi (këtu).
Fotografia mbanë firmen e fotografit të agjencisë “Reuters” – Yiorgos Karahalis (këtu).
Analiza:
Në artikullin e “Gazetametro.net” është publikuar artikull që përmban fotografi jo adekuate me përmbajtjen. Derisa në artikull flitet për shkëmbimit të mallërave Kosovë-Serbi, fotografia paraqet një ngjarje tejtër, ndërsa autori nuk e ka bërë sqarimin në legjendë.
Ky artikull, bazuar në metodologjinë e hulumtimit të hibrid.info, merr vlerësimin “Përmbajtje e Pa Verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
