Portali i dyshimtë me përmbajtje në gjuhën shqipe “web3.lajme.icu” ka publikuar një artikull (shpallje) me titull “Kërkon blerës serioz – Golf 5 vetëm për 2800 euro shumë URGJENTË!!!”.
Hibrid.info ka verifikuar faktet e paraqitura në këtë artikull, ku është vërtetuar se kjo shpallje është e rreme, pasi e njëjta është publikuar vetëm për të grumbulluar klikime përmes rrjeteve sociale.
Pas hulumtimit përmes programit te automatizuar online “InVID” për kontroll faktesh, hibrid.info ka arritur të vërtetojë se kjo fotografi me veturë e tipit Golf 5 e markës “Volkswagen” është publikuar në vitin 2008 në ueb-faqen “Wikimedia Commons”, nga një përdorues me emrin Rudolf Stricker.
Artikulli i publikuar në portalin e dyshimtë “web3.lajme.icu”:
Kërkon blerës serioz – Golf 5 vetëm për 2800 euro shumë URGJENTË!!!
Këtë e jap me 2,800 euro prej zorit, sepse ju treggova edhe më herët se kam mbetë pa punë në këtë pandemi, e nuk po kam se me çka me i ushqy femijet e mi se i kam krejte te vogel. Kërkon blerës serioz – Kam mbetë pa punë në këtë pandemi, po e shessë veturën time, Golf 5 vetëm për 1,800 euro! LEXO ME TEPER DUKE E HAP REK LAMEN ME POSHTEDHE APLIKO ME BLE KETE GOLF 5
Vegëza e artikullit të publikuar në portalin e dyshimtë “web3.lajme.icu”:
I njëjti artikull është shpërndarë edhe në rrjetin social Facebook nga faqet “33shi.com” dhe “News”.
Më poshtë mund të gjeni vegëzën e fotografisë së veturës Volkswagen Golf 5 të publikuar më 27 nëntor 2008 nga përdoruesi me emër “Rudolf Stricker”.
https://commons.wikimedia.org/wiki/File:VW_Golf_V_front_20081127.jpg
Analiza:
Portali i dyshimtë “web3.lajme.icu” ka publikuar një artikull të rremë për shitjen e veturës Golf 5, duke pretenduar se një person po e shet atë urgjent për vetëm 2800 euro.
Hibrid.info pas hulumtimit të kryer ka arritur të vërtetojë se kjo shpallje është e rreme. Përmes programit InVID është gjetur se kjo fotografi është postuar në vitin 2008 në ueb-faqen “Wikimedia Commons”.
Pas analizës së kontrollit të fakteve, hibrid.info e vlerëson këtë artikull si “Mashtrim”.