Një faqe në median sociale Facebook ka postuar një fotografi të një rruge të mbuluar me borë duke pretenduar që janë pamje të një fshati në Suharekë.
Në mbishkrimin e imazhit të postuar është shkruar “Zvicrra ?! Jo por Duhla ne Suharekë”.
Pas hulumtimeve dhe verifikimit të fakteve të kryera nga hibrid.info, është vërtetuar se ky pretendim nuk është i saktë.
Vegëza e imazhit të publikuar nga faqja “Pernime”:
Hibrid.info gjatë kërkimeve online ka gjetur një artikull të publikuar në vitin 2018 në mediumin grek “diaforetiko.gr” ku paraqiten imazhe nga disa vende në Greqi, në mesin e imazheve të paraqitura është edhe fotografia që në faqen “Pernime” është pretenduar se është pamje nga fshati Duhlë në Suharekë.
Artikulli grek tregon që kjo pamje është nga një fshat i quajtur Pertouli në qytetin grek Trikala. (shiko këtu)
Analiza:
Një faqe në median sociale Facebook ka postuar një imazh të një rruge të mbuluar me borë duke pretenduar që janë pamje nga një fshat në Kosovë.
Por pas verifikimit nga hibrid.info është gjetur se ky pretendim nuk qëndron dhe këto pamje janë nga një vend në Greqi.
Në bazë të metodologjisë së punës, hibrid.info këtë artikull e vlerëson si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
