Agjencia e lajmeve “Kosovapress” ka publikuar sot (22 shtator) në faqen e saj në Facebook një fotografi lidhur me shpërthimin e sotëm (22 shtator) në veri.
Në fotografi shihet një motoçikletë, një veturë, 4 njerëz pranë veturës dhe një market, si dhe një zjarr pranë tyre.
Pas verifikimit të fakteve, hibrid.info ka gjetur se fotografia nuk paraqet shpërthimin e sotëm, si dhe është e edituar pasi që zjarri që shihet aty nuk është real dhe i njëjti nuk paraqet shpërthimin e ndodhur.
Vegëza e fotografisë së publikuar në Facebook nga “Kosovapress”:
Fotografia e publikuar në Facebook pretendohet të paraqitet si pamje nga shpërthimi që ndodhi sot në Lagjen e Boshnjakëve në Mitrovicë, edhe pse zjarri në fotografi është i montuar.
Përderisa fotografia e publikuar në Facebook është e edituar, në artikullin e publikuar në ueb-faqe të këtij mediumi zë vend fotografia e pa edituar. (shih fotografinë screenshot më poshtë)
Hibrid.info, nëpërmjet programit tw automatizuar online “Fotoforensics.com” i ka bërë një lexim forenzik fotografisë së publikuar në Facebook për të treguar editimet që janë bërë në të. (shih këtu)
Analiza:
Faktet tregojnë se fotografia e publikuar nga “Kosovapress” në Facebook përveq se nuk paraqet shpërthimin që ndodhi sot (22 shtator) në Lagjen e Boshnjakëve në Mitrovicë, ajo është edhe e edituar.
Zjarri që shihet në fotografi është i montuar dhe nuk paraqet pamje të shpërthimit.
Bazuar në metodologjinë e punës, hibrid.info këtë e vlerëson si “mashtrim”.