Një faqe në Facebook që publikon përmbajtje në gjuhën shqipe, ka postuar me datë 8 nëntor një imazh ku shihen një fëmijë mbi gërmadha të ndërtesave.
Pas verifikimit të fotografisë vërehen detaje që nuk përkojnë me një imazh real dhe i njëjti tregon shenja të Inteligjencës Artificiale.
Vegëza e artikullit të publikuar në Facebook nga faqja “Mesazhi.com”:
Pasi të analizohet imazhi nga afër vërehen deformime grafike në pjesën e syve dhe të duarve.
Hibrid.info ka analizuar fotografinë me aplikacione që identifikojnë përmbajtjet e gjeneruara me inteligjencë artificiale. Pas analizës së kryer nga hibrid.info nëpërmjet aplikacionit Hive Motivation rezulton që imazhi është prodhuar 99.9 për qind me inteligjencë artificiale. (shih këtu)
Analiza:
Pas analizimit të fotografisë të publikuar nga një faqe në Facebook, vërehen shenja të caktuara që sugjerojnë që imazhi është krijuar me Inteligjencë Artificiale.
Bazuar në metodologjinë e punës, hibrid.info e vlerëson këtë imazh si “Përmbajtje e pa verifikuar”.
Vlerësimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
