Një lajm i publikuar sot nga disa mediume ku thuhet se presidentit të Serbisë, Aleksandar Vuçiq, i është dorëzuar në tavolinë njohja e Kosovës, ka dalë të jetë i pa vërtetë.
Ky lajm për herë të parë është publikuar nga mediumi serb B92 dhe mediume tjera, gjatë ditës kur kanë filluar takimet në Washington mes delegacioneve të Kosovës dhe Serbisë, të ndërmjetësuara nga SHBA-të. Ndërsa, i njëjti është përkthyer, publikuar dhe shpërndarë edhe nga mediat shqip në Kosovë. B92, duke iu referuar ministrit serb të financave, Sinisha Malli, bënë të ditur se gjatë takimit në Shtëpinë e Bardhë, delegacionit serb i është prezantuar një letër, e cila përmban disa pika dhe, sipas këtij ministri serb, njëra ndër to ka qenë edhe njohja reciproke mes Kosovës dhe Serbisë.
Pjesë nga artikullit i B92:
I menjëhershëm ka qenë reagimi i të dërguarit special nga presidenti i SHBA-ve, Richard Grenell. Ai përmes një cicërime në Twitter e ka mohuar lajmin se gjoja presidentit serb i është dorëzuar ndonjë marrëveshje për njohje të Kosovës.
Analiza:
Sipas këtyre fakteve, del që dezinformata ka mundur të jetë shpërndarë për dy arsye: mediat serbe kanë keq-cituar zyrtarët serbë dhe kanë shpërndarë dezinformatë, apo zyrtarët serbë kanë deklaruar të pa vërteta. Sipas kësaj, artikulli në fjalë kategorizohet si dezinformatë, lajm i rremë, demantim, raportim i njëanshëm dhe shpërndarje e lajmeve të rreme.
Arsyetimi:
Dezinformata
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Lajm i rremë
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Demantimi
Vlerësimi “Demantim” është një vlerësim shtesë, i cili jepet në rastet kur media përcakton se përmbajtja e publikuar është në njërën prej kategorive të mësipërme të vlerësimeve negative, dhe në përputhje me këtë njohuri e mohon atë 1) në përputhje me faktet 2) në mënyrë të dukshme, në përputhje me parimet e botimit të mohimeve.
Raportim i njëanshëm
Vlerësim si “Raportim i njëanshëm” merr ai raport mediatik i cili vërehet qartë se bënë favorizim të fakteve, qëndrime dhe përfundime që përputhen me një narrativë të veçantë, shpesh duke mos respektuar rregullin e kontaktit me palën tjetër kur bëhet fjalë për pretendime që janë të dëmshme për reputacionin e dikujt ose të portretizuar nga akterë të caktuar me një qasje negative. Një nga format e raportimit të njëanshëm është paraqitja selektive e fakteve, ku theksohen fakte që mbështesin një tezë të caktuar, ndërsa faktet që nuk e konfirmojnë atë janë lënë pas dore.
Transmetimi i lajmeve të rreme
Ky vlerësim u jepet raporteve të mediave në të cilat transmetohet përmbajtja origjinale e një mediumi tjetër, i cili përmban një lajm të rremë. Vlerësimi jepet vetëm për transmetimin e përmbajtjes që kategorizohet si lajm i rremë.
