Në median online “Gazetablic” është publikuar sot (22 gusht) lajmi me titullin “Deputetit Enver Hoxhaj: Po shkohet në Washtingon të nënshkruhet marrëveshja finale”, i thirrur në një deklaratë të deputetit të PDK-së, dhënë për këtë medium.
Në deklaratën e deputetit Hoxhaj dhënë për Blic flitet për arritjen e një marrëveshje finale mes Kosovës dhe Serbisë në takimin e Washingtonit, që është paralajmëruar të mbahet në fillim të shtatorit të këtij viti. Hoxhaj në deklaratën e dhënë, përpos që parasheh verdiktin e takimit, nuk ka dhënë ndonjë detaj rreth burimit të këtij informacioni.
Pas rreth një ore, ky lajm është hequr nga vetë mediumi që ka publikuar prononcimin e Hoxhajt. Por, përkundër kësaj, Hibrid.info, gjatë hulumtimit ka arritur që të njëjtin lajm ta gjejë të shpërndarë nga shumë media tjera online.
Teksti i plotë i publikuar në Gazetën Blic:
Vegëzat e artikullit të publikuar në disa media:
Analiza:
Hibrid.info, pas analizës së këtij lajmi, vlerëson se deklarata e deputetit Hoxhaj është e pabazuar në fakte. Gjithashtu autori i këtij artikulli, e ka vlerësuar deklaratën e një deputeti si të mirëqenë, pa kërkuar konfirmim nga zyrtarët institucionalë, të përfshirë në procesin e dialogut. Ndonëse Hoxhaj, përkundër faktit që është anëtar i Komisionit për Punë të Jashtme dhe Diasporë në Kuvendin e Kosovës dhe përvojës në politikën e jashtme si ish-ministër i Jashtëm i Kosovë, aktualisht ai nuk është person që mund të ketë kredibilitet të plotë në dhënien e deklaratave të tilla, të cilat nuk janë të përcjella me citime dhe të faktuara nga burime relevante me temën.