Disa faqe në Facebook me përmbajtje në gjuhën shqipe, kanë publikuar dje (27 tetor) imazhe që shfaqin re të mëdha tymi në disa vendbanime.
Këto publikime me anë të mbishkrimit kanë pretenduar se imazhet paraqesin momente të bombardimeve aktuale në Gaza.
Por pas verifikimit të fakteve nga hibrid.info është vërtetuar se imazhi i publikuara në këto postime, është shkrepur në vitin 2018.
Vegëza e postimeve të publikuara në Facebook nga faqet “Al Khattab” dhe “Bota Islame”:
Pas hulumtimit të kryer përmes programit të automatizuar “InVID”, hibrid.info ka gjetur imazhin e njëjtë të publikuar në vitin 2018. (shih këtu)
Imazhi shfaq momente nga konflikti i vitit 2018 ndërmjet Izraelit dhe Hamasit dhe në bazë të përshkrimit të fotografisë, kuptohet se është marrë nga agjencia e lajmeve “AFP” dhe është shkrepur më 8 gusht të po atij viti.
Analiza:
Disa faqe në Facebook kanë publikuar një imazh, me anë të së cilit kanë pretenduar të paraqesin situatën aktuale nga konflikti Hamas – Izrael.
Por pas verifikimit është gjetur se kjo fotografi është e vjetër (2018) dhe nuk shfaq aktualitetin në Gaza.
Bazuar në metodologjinë e punës, hibrid.info e vlerëson këtë artikull si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
