Mediumi online “GazetaBlic.com” ka publikuar një artikull lidhur me disa shpërthime në qytetin e Kiev-it në Ukrainë, të cilit i ka vënë fotografi jo adekuate.
Pas hulumtimit të hibrid.info përmes makinave digjitale të kërkimit, është vërtetuar se në këtë artikull është vënë fotografi jo adekuate, pasi ajo nuk i përket agresionit rus që aktualisht po ndodhë në Ukrainë, por e njëjta është bërë në protestat e vitit 2014 në Kiev.
Vegëza e artikullit të publikuar në portalin “GazetaBlic.com”:
http://gazetablic.com/degjohen-shperthime-ne-kiev/
Fotografia që sjell imazhe të sheshit të Pavarësisë apo siç njihet ndryshe si sheshi “Maidan” (shih këtu), gjatë revolucionit Euromaidan kundër pushtetit të ish-Presidentit të Ukrainës – Viktor Yanukovych.
Nuk është hera e parë që mediat online në Kosovë e përdorin këtë fotografi të vitit 2014, me pretendimin ta paraqesin atë si imazh të luftës aktuale.
Fotografia e njëjtë është publikuar edhe në portalin lajmi.net me datë 25 shkurt 2022, e cila gjithashtu është verifikuar nga hibrid.info. (shih këtu)
Analiza:
“GazetaBlic.com” në një artikull të publikuar lidhur me disa shpërthime në Kiev, ka përdorur një fotografi të vjetër të sheshit “Maidan”, i cili shihet i shkatërruar.
Pas hulumtimit nga hibrid.info, është vërtetuar se fotografia nuk është aktuale dhe e njëjta është shkrepur në shkurt të vitit 2014 gjatë revolucionit “Euromaidan” kundër pushtetit të ish-Presidentit të Ukrainës, Viktor Yanukovych.
Bazuar në faktet e verifikuara nga hibrid.info, rezulton se përmbajtja e këtij postimi është “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.