Portali i dyshimtë me përmbajtje në gjuhën shqipe “gazetaz.com”, ka publikuar një artikull me titull “Vërtetohet fushata e zezë e Edi Ramës për rrëzimin e qeverisë Kurti”.
Pra në bazë të artikullit synohet që pa fakte të paraqitet se është vërtetuar një konspiracion, i pretenduar në titull.
Pretendimi është bazuar në vetëm një post (koment) në Facebook të një gazetari shqiptar nga Maqedonia e Veriut, Fejzi Hajdari.
Vegëza e artikullit të publikuar në “gazetaz.com”:
Pjesë nga artikulli:
Rama filloi fushaten e paskrupulltë per gjetjen e aleatëve ne Kosove, ne perpjekjen e tij te fshehte, per rrezimin me cdo kusht të Qeverise Kurti 2, per shkak se “OpenBallkan”-i i Vuciqit e Rusise, nuk po gjen mbeshtetje e rrjedhimisht dhe implementim ne Kosove dhe disa shtete perreth!
P.S. Kur po lexoja per periudhen pak a shume te ngjashme historike, pas Pavaresise se Shqiperise 1912-1924, shume protagoniste te asaj kohe si punen e Esad Pashe Toptanti (edhe disa tjereve te tille) nuk arrija t’i kuptoja, duke hape dilema te tipit: Si ka mundesi qe shqiptaret e asaj kohe ta kene mbeshtet nje Esad Pashe Toptani, ose me vone Rrahman Morinen…shkruan Fejzi Hajdari
Vegëza e postit të Fejzi Hajdarit:
https://www.facebook.com/permalink.php?story_fbid=1413660982482868&id=100015169395742
Siç mund të kuptohet, në përmbajtje nuk arrihet të vërtetohet pretendimi i bërë në titull, për ekzistencën e ndonjë “fushate të zezë të Edi Ramës për rrëzimin e qeverisë Kurti”. Pasi që, i vetmi argument i përdorur është një koment i një burimi jo aq relevant me pretendimin.
Ky artikull është shpërndarë në Facebook-faqen “Specialja”, që pretendohet të paraqitet si faqe informuese (këtu).
Analiza:
Nga kontrolli dhe verifikimi i fakteve, rezulton që pretendimi i bërë nga mediumi i dyshimtë “gazetaz.com”, është i pa argumentueshëm.
Edhe posti i gazetarit Fejzi Hajdari nuk është relevant me pretendimin dhe, për më tepër, as në postin e tij nuk përmendet ndonjë fakt që e plotëson argumentin.
Hibrid.info e vlerëson këtë pretendim si “lajm i rremë”, pasi që duke të jetë tërësisht i fabrikuar.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
