Pas pushtimit rus të Ukrainës, në rrjetet sociale po qarkullon një fotografi në të cilën shihet presidenti i Ukrainës, Volodymyr Zelenskyy, duke e mbajtur në duar fanellën e kombëtares ukrainase të futbollit me simbolin nazist (svastika/kryqin e thyer).
Ky imazh tani është përdorur edhe nga lexuesit shqipfolës, i postuar një koment të artikullit të publikuar nga portali “Albanian Post”. Një lexues ka postuar këtë imazh të presidentit ukrainas me fanellën e kombëtares së Ukrainës, ku shihet simboli nazist.
Megjithatë, kjo fotografi është e montuar. Hibrid.info përmes hulumtimit të kryer ka arritur të gjejë fotografinë autentike, të postuar nga vetë presidenti ukrainas në llogarinë e tij zyrtare në Instagram duke e mbajtur fanellën me numrin 95.
Fotografia e montuar
Fotografia origjinale
Fotografinë e postuar në Instagram nga presidenti ukrainas Zelensky mund ta gjeni këtu.
Analiza:
Një imazh me fotografinë e presidentit ukrainas Volodymyr Zelenskyyt i cili mban në duar fanellën e kombëtares së Ukrainës në futboll me simbolin nazist, është shpërndarë në rrjete sociale.
Kjo fotografi është postuar edhe nga një lexues shqipfolës, i cili në një artikull të mediumit online “Albanian Post” e ka publikuar atë. Megjithatë, kjo fotografi është e montuar.
Hibrid.info pasi ka hulumtuar përmes makinave online dhe rrjeteve sociale, ka arritur të gjejë fotografinë origjinale të publikuar nga vetë presidenti ukrainas, i cili mban fanellën e kombëtares me numrin 95.
Bazuar në metodologjinë e punës, hibrid.info e vlerëson këtë fotografi si “Mashtrim”.
