Mediumi online “Kosovapost.net” ka publikuar sot (25 gusht) një artikull lidhur me sulmet ajrore me raketa dhe drone ndërmjet Ukrainës dhe Rusisë, të cilit i ka vënë fotografi jo adekuate.
Pas hulumtimit të hibrid.info përmes makinave digjitale të kërkimit, është vërtetuar se në këtë artikull është vënë fotografi jo adekuate, pasi e njëjta nuk paraqet agresionin rus që aktualisht po ndodhë në Ukrainë, por është realizuar në protestat e vitit 2014 në Kiev.
Vegëza e artikullit të publikuar në portalin “Kosovapost.net”:
Fotografia sjell imazhe të sheshit të Pavarësisë apo siç njihet ndryshe si sheshi “Maidan”.
Imazhi në të majtë është i Sheshit të Pavarësisë në Kiev përpara trazirave gjatë revolucionit Euromaidan kundër pushtetit të ish-Presidentit të Ukrainës – Viktor Yanukovych, ndërsa në anën e djathtë imazhi paraqet gjysmën e këtij sheshi të dëmtuar.
Fotografia është realizuar nga Olga Yakimovich për Reuters në vitin 2014. (shih këtu dhe këtu)
Analiza:
“Kosovapost.net” në një artikull të publikuar lidhur me disa sulme ajrore ndërmjet Ukrainës dhe Rusisë, ka përdorur një fotografi të vjetër të sheshit “Maidan” në Kiev, i cili shihet i shkatërruar.
Pas hulumtimit nga hibrid.info, është vërtetuar se fotografia nuk është aktuale dhe e njëjta është shkrepur në shkurt të vitit 2014 gjatë revolucionit “Euromaidan” kundër pushtetit të ish-Presidentit të Ukrainës, Viktor Yanukovych.
Bazuar në faktet e verifikuara nga hibrid.info, rezulton se përmbajtja e këtij postimi është “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.