Një llogari në median sociale TikTok që mban emrin “mtrks25” ka publikuar një video-material të ndarë në dy sekuenca të cilat paraqesin disa pajisje ushtarake.
Këtij video-materiali, llogaria e lartcekur i ka vënë një mbishkrim duke pretenduar se armët e paraqitura në këtë material i janë dhënë Kosovës si donacion nga ana e Turqisë.
Pas verifikimit të fakteve të kryer nga hibrid.info, është vërtetuar se pretendimi i ngritur nga llogaria në fjalë është i rremë.
Vegëza e video-materialit të publikuar në TikTok nga llogaria “mtrks25”:
Pas hulumtimit të kryer nga hibrid.info përmes programit të automatizuar “InVID”, është vërtetuar se pajisja që paraqitet në sekuencën e parë i takon ushtrisë ukrainase. (shih këtu dhe këtu)
Ndërsa pajisja ushtarake e paraqitur në sekuencën e dytë të video-materialit, është vërtetuar se i takon ushtrisë së Rusisë. (shih këtu)
Analiza:
Pas verifikimit të fakteve të kryer nga hibrid.info, është vërtetuar se llogaria në TikTok “mtrks25” ka publikuar video-materiale të pajisjeve të ushtrisë ukrainase dhe ruse, me pretendimin e rremë se ato i janë dhënë donacion Kosovës nga Turqia.
Bazuar në metodologjinë e punës, hibrid.info e vlerëson këtë pretendim si “Lajm i rremë”.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.