Mediat online në Kosovë kanë shpërndarë një artikull me titull “Si t’ia bëni që të mos hani nga stresi?”.
Në këtë artikull përmenden disa hapa se “si të shmanget ngrënia kur jeni në stres”, por pa referenca dhe burim të informacionit.
Në përmbajtjen e këtij artikulli përmendet fjala “sipas disa studimeve”, por pa specifikuar se për çfarë studimesh bëhet fjalë.
Artikulli për herë të parë u publikua me 28 shtator nga portali GazetaInfokus.com, e më pas u shpërnda edhe nga disa media tjera online.
Vegëzat e artikullit të botuar në mediat online:
https://gazetainfokus.com/si-tia-beni-qe-te-mos-hani-nga-stresi/
https://www.rtklive.com/sq/news-single.php?ID=465844
Analiza:
Ky shkrim nuk posedon burim të informacionit, që tregon qartë se nga është marrë ky studim. Gjithashtu, faktet që paraqiten në tekst nuk janë të verifikuara. Hibrid.info e kategorizon këtë tekst si “Përmbajtje e pa verifikuar”.
Arsyetimi:
Përmbajtje e pa verifikuar
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
