Shkroi: Fatbardh Dema
U pretendua se këngëtari Prince nuk ka vdekur dhe se i njëjti aktualisht është i gjallë. Përmes këtij pretendimi thuhet se ai dhe zëvendës-presidentja e Shteteve të Bashkuara të Amerikës (SHBA), Kamala Harris, janë i njëjti person.
Ky pretendim, u publikua në Facebook nga llogaria me emrin “Blerta Pupi Mile”, që numëron mbi 3 mijë ndjekës.
E vërteta?
Pas verifikimit të fakteve, hibrid.info ka vërtetuar se ky postim është i pa bazuar në asnjë fakt, i cili do ta mbështeste pretendimin e bërë.
Vegëza e postimit të publikuar në Facebook nga llogaria “Blerta Pupi Mile”:
https://www.facebook.com/watch/?v=1170460350857882
Përshkrimi origjinal i postimit:
KAMALA HARRIS MBRAPA MASKES ESHTE PRINCI KENGETARI PRINCI ESHTE I GJALLE NUK ESHTE I VDEKUR KAMALA HARRIS DHE PRINCI ESHTE I NJEJTI PERSON
Këngëtari Prince u lind në vitin 1958 dhe vdiq më 2016 në moshën 57 vjeçare. (shih këtu)
Pas hulumtimit të kryer online, hibrid.info ka gjetur artikuj që përmbajnë fotografi të këngëtarit Prince dhe zëvendës-presidentes së SHBA-ve, Kamala Harris, që nga fëmijëria e tyre (shih këtu dhe këtu)
Po qe se i krahasojmë këto dy figura, vërehet qartë se nuk ka ngjashmëri mes tyre. (shih fotografitë më poshtë)
Analiza:
U pretendua pa asnjë fakt se këngëtari Prince është i gjallë dhe se ai dhe Kamala Harris janë i njëjti person. Ky pretendim u bë pa ofruar asnjë të dhënë.
Pas verifikimit të fakteve, bazuar në metodologjinë e punës, hibrid.info e vlerëson këtë pretendim si “Teori Konspirative”.
Arsyetimi:
Vlerësim si “Teori konspirative” marrin ato përmbajtje informative të cilat në vete përmbajnë një përshkrim të rremë ose të paverifikueshëm të një dukurie, ngjarje ose një personi, duke e paraqitur atë si pjesë ose rezultat të një plani të fshehtë (“komplot”). Karakteristikë e këtyre përmbajtje është se ato paraqesin një seri pretendimesh, të paraqitura si fakte, midis të cilave vendosen marrëdhënie shkak-pasojë, pa ofruar ndonjë provë të besueshme.