Shkroi: Fatbardh Dema
Përmes një postimi u pretendua se kryeministri i Kosovës Albin Kurti, mbajti fushatë në Mitrovicën e Veriut.
“Blindohet Mitrovica e veriut: Kryeministri Albin Kurti mban fushatë në Mitrovicen veriore, ku eskorta e kryeministrit shifet e parkuar mbi urën e ibrit, dhe numër i madh i përkrahësve e mirëpritën kryeministrin Kurti”, thuhet në përshkrimin e këtij postimi.
Ky pretendim u publikua në Facebook me datë 5 janar nga faqja “Lajme Nga Bota”.
E vërteta?
Pas hulumtimit të kryer nga hibrid.info, u vërtetua se ky pretendim është i rremë.
Kurti në faqen e tij zyrtare në Facebook shkroi se takimi me qytetarët në Mitrovicë u organizua në Tetarin “Muharrem Qena”.
Hibrid.info ka hulumtuar përmes Google Maps, në lidhje me lokacionin e këtij teatri, e që rezultatet shfaqin se ky objekt ndodhet në Mitrovicën e Jugut. (shih këtu)
Edhe në faqen zyrtare të Teatrit “Muharrem Qena” në seksionin About (rreth nesh), shfaqet adresa e këtij objekti, që gjendet në Mitrovicën e Jugut, pranë Urës së Ibrit. (shih këtu)
Analiza:
Pretendimi se Kurti mbajti fushatë me qytetarët në Mitrovicën e Veriut, është i rremë.
Pas verifikimit të fakteve të kryer nga hibrid.info, u vërtetua se takimi u mbajt në Teatrin “Muharrem Qena”, i cili ndodhet në Mitrovicën e Jugut.
Bazuar në metodologjinë e punës, hibrid.info e vlerëson si “Dezinformatë” përmbajtjen e publikuar në Facebook nga faqja “Lajme Nga Bota”.
Arsyetimi:
Vlerësimin si “Dezinformatë” e merr ajo përmbajtje informative e cila në vete përmban një “miks” të burimeve të pasakta apo edhe atribute gjysmë të vërteta, e që krijohet dhe/apo shpërndahet me qëllim të paramenduar për të shkaktuar dëm. Prapa motivit të prodhuesve/shpërndarësve të përmbajtjeve dezinformuese qëndron arritja e një qëllimi politik, financiar, psikologjik apo social.