Portali i dyshimtë “GazetaProgresi.com”, ka publikuar një artikull me pretendim se shteti i Kosovës do të ndajë nga 250 euro për secilin qytetarë.
Artikulli përmban titull të rremë, ndërsa në tekstin e tij është vetëm një status i një qytetari të Kosovës, i cili me datë 28 korrik në rrjetin social Facebook kishte dhënë si ide të shpërndahen këto mjete shkaku i pandemisë COVID-19.
Teksti i plotë i publikuar në GazetaProgresi.com:
Lajm fantastikë: 250 euro për secilin qytetarë në Kosovë nga kjo…?!
Sipas tij, shteti nuk ka kapacitete që ta bëjë këtë për qytetarët, derisa ka marrë shembuj të ngjashëm nga vendet e rajonit, që tashmë kanë implementuar një ide të ngjashme.
Këtë ide e ka dhënë një vullnetar në luftën ndaj Covid-19, Shenoll Muharremi.Shikojeni reagimin e plotë: Nëse Kosova i jep secilit qytetar të saj nga 250€ për me e ndihmuar ekonominë vendore, çka ndodhë? Po bankrotojshi €450,000,000 për një masë kaq të vogël dhe thjeshtë.ju ftojmë që ta hapni marketingun dhe prit kater sekonda dhe shfaqen pamjet ekskluzive qe do befasoheni fill me posht
Vegëza e artikullit të publikuar në GazetaProgresi.com:
Gjatë hulumtimit të bërë nga hibrid.info, u gjet edhe statusi i qytetarit (njohës i ekonomisë) Shenoll Muharremi në Facebook, i cili u përdor nga portalet e dyshimta për t’u paraqitur si vendim institucional, për të krijuar dhe shpërndarë lajme të rreme.
https://www.facebook.com/shenoll.muharremi/posts/3358794897515018
Analiza:
Artikulli i GazetaProgresi.com, përmban titull të rremë, i cili nuk përputhet me tekstin. Ky shkrim kategorizohet si “Lajm i rremë” dhe “Dezinformatë”.
Arsyetimi:
Lajm i rremë – Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
