Portali i dyshimtë me përmbajtje në gjuhën shqipe “viraln23.com” ka publikuar dje (14 mars) një artikull me titull “Аksion i madh policor – mbi 100 persona të arrestuar. Aksioni policor është duke u vazhduar…”.
Pas verifikimit të fakteve të kryer nga hibrid.info, është vërtetuar se artikulli në fjalë është i vjetër, i publikuar në muajin nëntor 2022 dhe ka të bëjë me arrestimin e disa emigrantëve në Horgosh në veri të Serbisë.
Ky portal i dyshimtë është munduar që këtë artikull të vjetër ta paraqes si aktual.
Vegëza e artikullit të publikuar në portalin e dyshimtë “viraln23.com”:
Pas hulumtimit të kryer në mediat sociale, hibrid.info ka gjetur këtë artikull të publikuar sot (15 mars) edhe në Facebook nga faqja “Specialja”, e cila numëron afër 90 mijë ndjekës. (shih këtu)
Pas hulumtimit të kryer përmes makinave online të kërkimit, hibrid.info ka gjetur artikullin e publikuar në kohë reale (25 nëntor 2022) në disa mediume online në gjuhën serbe. (shih këtu dhe këtu)
Analiza:
Nga verifikimi i fakteve, hibrid.info ka vërtetuar se portali i dyshimtë me përmbajtje në gjuhën shqipe “viraln23.com” ka publikuar një artikull të vjetër të muajit nëntor 2022, të cilin është munduar ta paraqes si aktual.
Bazuar në metodologjinë e punës, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.