Portali i dyshimtë në gjuhën shqipe “newstoday74.com” ka publikuar sot (18 tetor) një artikull me titull “KUJDES! Në Ferizaj po jepen viza të rrejshme për Gjermani”.
Pas verifikimit të fakteve nga hibrid.info, ky lajm është i vjetër, i cili është publikuar në prill të vitit 2017.
Ky portal i dyshimtë është munduar ta paraqesë atë si aktual, duke i dezinformuar lexuesit se gjoja në Ferizaj po jepen viza të rreme për Gjermani.
Vegëza e artikullit të publikuar në “newstoday74.com”:
Ky artikull me pretendimin të paraqitet si aktual, është shpërndarë edhe në Facebook nga faqja “Në Kohë”, e cila numëron mbi 400 mijë ndjekës.
https://www.facebook.com/nekohe/posts/236267898534444
Hibrid.info gjatë hulumtimit përmes makinës së kërkimit “Google” dhe rrjeteve sociale, ka gjetur se ky lajm për vizat e rreme është publikuar në muajin prill të vitit 2017.
Më poshtë mund të gjeni artikullin e publikuar në kohë reale nga portali “periskopi.com”.
Analiza:
Portali i dyshimtë në gjuhën shqipe “newstoday74.com” ka publikuar një artikull të vjetër të vitit 2017, të cilin është munduar ta paraqesë si aktual, kështu duke synuar të dezinformojë lexuesit që të kenë kujdes pasi gjoja aktualisht në qytetin e Ferizajt po jepen viza të rreme për Gjermani.
Nga kontrollim i fakteve bazuar në metodologjinë e punës, hibrid.info e ka vlerësuar këtë artikull si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.