Portali i dyshimtë “specialja.com” ka publikuar një artikull me titull “Kadri Veseli pozitiv me koronavirus, gjendja e tij mjaftë e rëndë”.
Pas verifikimit të fakteve të kryer nga hibrid.info, del që ky artikull përmban titull tendencioz, ndërsa lajmi është i vjetër, i cili është publikuar në korrik të vitit 2020.
Ky portal i dyshimtë ka vënë titull të rremë në këtë artikull të vjetër, të cilin është munduar ta paraqes si aktual.
Teksti i artikullit të publikuar në “specialja.com”:
Edhe Kadri Veseli ka rezultuar pozitiv me koronavirus.Kreu i PDK’së, Kadri Veseli ka rezultuar pozitiv në testin për koronavirus, kanë konfirmuar burime të Gazetës Express.
Deri më tani Veseli nuk ka njoftuar se është konfirmuar pozitiv, derisa, të heshtur gjatë të enjtes kanë qenë edhe në zyrën për media. / Hap 5 sek marketingun vazhdo PAMJET EKSKLUZIVE
Vegëza e artikullit të publikuar në “specialja.com”:
Më poshtë mund të gjeni artikullin autentik të publikuar në kohë reale nga portali “gazetaexpress.com”, nga i cili edhe është marrë ky lajm nga portali i dyshimtë “specialja.com”.
Vetë ish-kryetari i Kuvendit dhe ish-lideri i Partisë Demokratike të Kosovës (PDK), Kadri Veseli, atëkohë kishte reaguar pas infektimit me virusin Korona, ku në profilin e tij zyrtar në Facebook kishte njoftuar se gjendja e tij është stabile.
https://www.facebook.com/permalink.php?story_fbid=1650836451758221&id=214842955357585
Analiza:
Portali i dyshimtë “specialja.com” ka marrë një lajm të vjetër të cilit i ka vënë titull të rremë, duke u munduar ta paraqesë atë si aktual.
Pas analizës së kontrollit të fakteve të kryer nga hibrid.info, ky artikull merr vlerësimin si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.