Portali i dyshimtë “infoshqip24.com” ka publikuar një artikull të vjetër ku në titullin e tij shkruan “lajmi i fundit”, kështu duke dashur ta paraqes atë si aktual.
Ky lajm është i vjetër dhe ka të bëjë me pretendimin e portalit serb “Alo” se “kolona me automjete ushtarake serbe niset për në Kosovë”.
Artikulli autentik është publikuar në maj të vitit 2019, ndërsa dje (6 shtator) është publikuar nga portali i dyshimtë “infoshqip24.com”, me pretendimin të paraqitet si lajm aktual.
Vegëza e artikullit të publikuar në “infoshqip24.com”:
I njëjti artikull u postua edhe në rrjetin social Facebook nga faqja “Gazeta Arbëria”, e cila numëron afër 50 mijë ndjekës dhe me publikimin e këtij lajmi të vjetër, mund të dezinformohen lexuesit me pretendimin e rrejshëm se lajmi është aktual.
Vegëza e artikullit të postuar në Facebook nga faqja “Gazeta Aktive”:
https://www.facebook.com/Gazeta66/posts/4081234288647678
Më poshtë mund të gjeni artikullin e publikuar në kohë reale (28 maj 2019) dhe i përkthyer nga media online “lajmi.net”:
Analiza:
Portali i dyshimtë “infoshqip24.com” ka publikuar një lajm të vjetër të cilin është munduar ta paraqesë si aktual, duke e quajtur si “Lajmi i fundit”.
Nga kontrollimi i fakteve përmes metodologjisë së punës, hibrid.info e ka vlerësuar këtë artikull si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.