Portali “arbresh.info” ka publikuar një artikull me titull “Kosova ‘kampion’” për pasaportën më të dobët në botë”.
Lajmi i portalit “arbresh.info” është bazuar nga ueb-faqja “henleyglobal.com”, për ta ndërtuar pretendimi se “Kosova ka zënë vendin e fundit në botë për pasaportën më të botë”.
Hibrid.info ka kontrolluar faktet e këtij artikulli, ku është vërtetuar se nuk është e vërtetë që Kosova zë vendin e fundit në botë, pasi në po të njëjtin uebfaqe “henleyglobal.com”, Kosova ka zënë vendin e 107-të së bashku me Libinë, por prapa saj janë edhe nëntë shtete të tjera. Ndërsa vendin e fundit në botë për pasaportën më të dobët në botë e zë shteti i Afganistanit.
Teksti i artikullit të publikuar në “arbresh.info”:
Kosova është renditur e para nga një organizatë Henleyglobal.com, për pasaportën më të dobët, shkruan arbresh.info.
Në një foto të publikuar shkruan se këto shtete të cilat mbajnë këtë pasaportë nuk lejojnë personat që të hyjnë në shumicën e shteteve pa visa.
Madje ceket qartë se për të kaluar në shtete tjera, atyre u duhet që të ofrojnë dokumente të tjera shtesë.
“Pasaportat më të dobëta janë ato që nuk lejojnë mbajtësin e pasaportës të hyjë në shumicën e vendeve pa viza. Atyre u kërkohet të paraqesin dokumente të ndryshme para kësaj”, thuhet në njoftim./arbresh.info/
Vegëza e artikullit të publikuar në “arbresh.info”:
Më poshtë mund të gjeni vegzën e ueb-faqes “henleyglobal.com” me ranglistën e të gjitha pasaportave të shteteve, ku vërehet qartë se Kosova nuk është në vendin e fundit, siç pretendohet në artikullin e publikuar nga “arbresh.info”.
https://www.henleyglobal.com/passport-index/ranking
Gjithashtu, hibrid.info ka gjetur edhe uebfaqen tjetër të quajtur “passportindex.org”, ku edhe në të nuk është pasaporta e Kosovës, por ajo e shtetit të Afganistanit.
https://www.passportindex.org/byRank.php
Analiza:
Portali “arbresh.info” ka publikuar këtë artikull duke pretenduar se sipas uebfaqes “henleyglobal.com”, pasaporta e Kosovës është renditur si më e dobëta në botë. Por, një gjë e tillë nuk është e vërtetë, pasi hibrid.info ka verifikuar se në këtë uebfaqe Kosova zë vendin e 107-të në botë duke lënë prapa edhe nëntë shtete të tjera, ku vendin e fundit e zë pasaporta e Afganistanit.
Pas kontrollit të fakteve të kryer nga hibrid.info, ky artikull merr vlerësimin si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
