Mediat në Kosovë kanë publikuar dhe shpërndarë një teori konspirative rreth të ardhmes së virusit gjatë këtij viti.
Këtë teori konspirative e kanë të bazuar në një deklaratë të të ashtuquajturit mjek popullor, Hysri Beqani i njohur si “Burdushi”.
Disa media online e kanë shpërndarë këtë “prognozë” të pabazuar të Burdushit, të cilën siç duket ky i fundit e ka thënë për televizionin Klan Kosova, në emisionin e mengjesit “Ora 7”.
Në titullin e këtij artikulli shkruan se si Burdushi ka parashikuar se vendi ynë por edhe bota do të përballen me rrezikun e dy viruseve tjera, përveç COVID-19, por pa e argumentuar.
Përmbajtja e artikullit:
Paralajmërimi i Burdushit: Në këtë vit bota përballet edhe me dy viruse tjera
Më 13 mars bëhen një vit kur u shënuan rastet e para me Covid-19 në Kosovë.
Nga ajo kohë e deri sot më tepër se 1 mijë persona kanë vdekur, ndërsa vendi vazhdon të përballet me pademinë. Hysri Beqani i njohur si Burdushi thotë se vendi do të vazhdon të përballet me pandeminë, por sipas tij do të shpëtojmë. “Do të kemi qasje edhe dy deri tre vite, por besoj se do të shpëtojmë”, tha Burdushi në Klan Kosova. Ai paralajmëroi se në vitin 2030 bota do të përballet edhe me dy viruse tjera. “Do të përballemi, 2030 do të ketë edhe dy viruse tjera”, ka thënë ai.
Vegëzat e artikullit të publikuar nga disa media online të Kosovës:
Analiza:
Ky artikull prezanton një mendim të një mjeku popullor i cili bënë parashikime përmes metodave besëtyte, të cilat nuk janë të bazuar në asnjë fakt. Deri më tani, jo vetëm në Kosovë, por edhe në shumë vende të botës, kryesisht ato të lindjes, janë shpërndarë shumë pretendime të tilla të bazuara në besëtytni dhe mjekësi alternative, të cilat janë mohuar nga shkenca dhe platformat për kontroll të fakteve, duke qenë se, të njëjtat përhapin lajme të paverifikuara dhe të pa bazuara dhe dezinformojnë lexuesit. Bazuar në metodologjinë e hulumtimit të hibrid.info, ky lajm apo artikull vlerësohet si “teori konspirative”.
Arsyetimi:
Vlerësim si “Teori konspirative” marrin ato raportime mediatike të cilat shpërndajnë një përshkrim të rremë ose të paverifikueshëm të një dukurie, ngjarje ose një personi, duke e paraqitur atë si pjesë ose rezultat të një plani të fshehtë (“komplot”). Karakteristikë e këtyre raportimeve është se ato paraqesin një seri pretendimesh, të paraqitura si fakte, midis të cilave vendosen marrëdhënie shkak-pasojë, pa ofruar ndonjë provë të besueshme.