Ministria e Shëndetësisë në Kosovë ka njoftuar se nga sot (27 shtator) do të hyjnë në fuqi masat e reja anti-Covid.
Në njoftimin e Ministrisë së Shëndetësisë në Facebook, është përshkruar në pika të shkurtëra për masat e reja që do të hyjnë në fuqi nga dita e sotme, por sa i përket shërbimeve të gastronomisë thuhet se orari i këtij sektori lejohet të punojë deri në ora 21:00.
Hibrid.info ka kontrolluar publikimin e kësaj Ministrie në uebfaqen e saj, ku në pikën 41 thuhet se “Shërbimet e gastronomisë lejohet të zhvillojnë aktivitetin e tyre nga ora 05:00 deri në orën 21:30”. Ndërsa në pikën 42 bëhet e ditur se muzika duhet të ndalet në ora 21:00.
Vegëza e njoftimit të Ministrisë së Shëndetësisë në Facebook:
https://www.facebook.com/Ministria.Shendetesise.RKS/posts/2098743140283262
Më poshtë mund të gjeni vegëzën e publikuar në uebfaqen zyrtare të Ministrisë së Shënetësisë për masat e reja anti-Covid që hyjnë në fuqi nga dita e sotit (27 shtator).
https://msh.rks-gov.net/wp-content/uploads/2021/09/Masat-kunder-COVID-19-24-9-2021-2.pdf
Analiza:
Ministria e Shënetësisë në njotimin e saj në Facebook ka gabuar lidhur me orarin e gastronomisë, duke pretenduar se ky sektor lejohet të punojë deri në ora 21:00. Ndërsa në linkun e publikuar në uebfaqen zyrtare shihet se orari i gastronomisë mbetet i njëjtë si ai paraprak, pra deri në ora 21:30.
Pas analizës së kontrollit të fakteve, hibrid.info e vlerëson këtë njoftim të Ministrisë së Shëndetësisë si “gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.