Portali i dyshimtë “mergimtarshqip.com” ka publikuar një artikull me titull “Sapo erdhi njoftimi papritur për tërheqjen e parave nga trusti”.
Pas verifikimit të fakteve nga hibrid.info, është vërtetuar se titulli i këtij artikulli është i sajuar, i cili nuk i përgjigjet përmbajtjes.
Në përmbajtje gjendet një qëndrim politik i shefit të Grupit Parlamentar të AAK-së, Besnik Tahiri, i cili dje (27 maj) në emisionin “DPT te Fidani” në televizionin T7 ka thënë se s’do të tërhiqen nga kërkesa për lejimin e tërheqjes së 30 për qind të parave nga Trusti Pensional i Kosovës.
Pra, nuk ka asnjë njoftim zyrtar nga Trusti lidhur me tërheqjen e parave, siç pretendohet rrejshëm në titullin e këtij artikulli.
Vegëza e artikullit të publikuar në portalin e dyshimtë “mergimtarshqip.com”:
Ky artikull me titull të sajuar është shpërndarë edhe në Facebook nga faqja “Gazeta”, e cila numëron mbi 200 mijë ndjekës. (shih këtu)
Pas hulumtimit përmes makinave online të kërkimit, hibrid.info ka gjetur artikullin autentik të publikuar në portalin “GazetaExpress.com”. (shih këtu)
Intervistën e plotë të Besnik Tahirit në emisionin “DPT te Fidani” mund ta gjeni këtu.
Analiza:
Portali i dyshimtë “mergimtarshqip.com” ka publikuar një artikull, që ka të bëjë me qëndrimin politik të shefit të Grupit Parlamentar të AAK-së, Besnik Tahiri, i cili tha se nuk do të tërhiqen nga kërkesa për paratë e Trustit.
Këtij artikulli, ky portal i ka vënë titull të sajuar me pretendimin se ka njoftim nga Trusti lidhur me tërheqjen e parave.
Bazuar në metodologjinë e punës, hibrid.info e ka vlerësuar këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.