Portali informativ “Rilindja.al” ka publikuar një artikull dje (19 prill) me titull “Paralajmërohet rritje e çmimit të biletave të autobusëve”.
Përmbajtja e artikullit ka të bëjë me kërkesën për rritjen e çmimit të biletave për transportin ndërurban, duke përdorur fotografi që nuk i korrespondon përmbajtjes.
Në fotografinë e përdorur në këtë artikull shihet një autobus urban i Ndërmarrjes Publike Komunale “Trafiku Urban”, të Komunës së Prishtinës. Duke mos u theksuar në titull dhe me anë të fotografisë së përdorur lë të kuptohet që rritja e çmimeve të biletave vlen për trafikun urban në Prishtinë. (këtu)
Vegëza e artikullit të publikuar në portalin informativ “Rilindja.al”:
Se autobusi i përket Ndërmarrjes Publike Komunale “Trafiku Urban”, të Komunës së Prishtinës e vërteton fakti i imazhit të autobusit me ngjyrë të verdhë, imazh i autobusëve të kësaj ndërmarrjeje.
Për të vërtetuar edhe më shumë faktin se kërkesa për rritjen e çmimeve të biletave ka të bëjë me transportin urban, hibrid.info ka gjetur artikullin autentik në agjencinë e lajmeve “ekonomiaonline.com”. (këtu)
Analiza:
Portali informativ “Rilindja.al” ka publikuar një artikull me fotografi që nuk i korrespondon përmbajtjes.
Edhe pse në artikull bëhet fjalë për kërkesën për rritjen e çmimit të biletave autobusëve për transportin ndërurban në fotografinë ilustruese është përdor imazhi i autobusëve të Ndërmarrjes Publike Komunale “Trafiku Urban”, të Komunës së Prishtinës.
Bazuar në metodologjinë e punës, hibrid.info e vlerëson këtë si “clickbait”.
Vlerësimi:
Vlerësimin “Clickbait” e marrin ato tekste titujt e të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.