Portali informativ “Insajderi.org” sot (17 shkurt) ka publikuar një artikull me titull “Kurti i del në mbrojtje Dejona Mihalit”.
Me anë të këtij titulli të përdorur në këtë artikull, autori ka lënë të kuptohet se bëhet fjalë për kryeministrin Albin Kurti, ndërsa në përmbajtje bëhet e ditur se deputetja e Lëvizjes Vetëvendosje, Tinka Kurti i ka dalë në mbrojtje anëtares së partisë nga Shqipëria, Dejona Mihali.
Vegëza e artikullit të publikuar në “Insajderi.org”:
Pas verifikimit të fakteve të kryer nga hibrid.info është vërtetuar se titulli i këtij artikulli, duke u bazuar në komentet e bëra nga lexuesit, ka lënë të kuptohet se bëhet fjalë për kryeministrin Kurti. (shih fotografinë më poshtë)
Përmes makinave online të kërkimit, hibrid.info ka gjetur reagimin e deputetes së LVV-së, Tinka Kurti, i cili përmes llogarisë së tij në Facebook është deklaruar lidhur me, siç e quan ajo, grupin e Tiranës, duke e përshirë edhe Dejona Mihalin. (këtu)
Analiza:
Portali informativ “Insajderi.org” ka publikuar një artikull me titull “Kurti i del në mbrojtje Dejona Mihalit”.
Pas verifikimit të fakteve të kryer nga hibrid.info është vërtetuar se titulli i këtij artikulli, duke u bazuar në komentet e bëra nga lexuesit, ka lënë të kuptohet se bëhet fjalë për kryeministrin Kurti.
Në përmbajtje bëhet e ditur se bëhet fjalë për deputeten e Lëvizjes Vetëvendosje, Tinka Kurti
Bazuar në metodologjinë e punës, hibrid.info këtë artikull e vlerëson si “clickbait”.
Vlerësimi:
Vlerësimin “Clickbait” e marrin ato tekste titujt e të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.