Disa mediume në gjuhën serbe kanë publikuar dje (7 shkurt) artikuj me pretendimin, pa fakte, se figura e tenistit serb, Novak Gjokoviq, që gjendet si mural në Lagjen e Epërme të Rahovecit, është spërkatur me ngjyrë muri nga, siç cilësohet, huliganët (ekstremistët) të Kurtit.
Artikulli bazohet në një reagim të drejtorit të Zyrës për Kosovën në Qeverinë e Serbisë, Petar Petkoviq i cili, në një cicërimë në Twitter, ka deklaruar se kjo u bë nga “huliganët e Kurtit”.
Vegëzat e artikujve të publikuar në mediat në gjuhën serbe:
https://informer.rs/vesti/politika/769579/kurtijevi-huligani-unistili-mural-novaku-djokovicu
Vegëza e reagimit të Petar Petkoviqit:
Pjesë të artikullit të publikuar në mediat në gjuhën serbe:
Huliganët e Aljbin Kurtit shkatërruan muralin me imazhin e Novak Gjokoviqit në Rahovec një natë më parë.
Tenisit serb i është hedhur bojë e bardhë mbi fytyrën.
Pjesë të reagimit të Petar Petkoviqit:
Huliganet e Kurtit e shkatërruan sonte muralin e Novak Gjokoviqit në Rahovec. Cilado që është urrejtja e ekstremisteve, kurrë nuk do të mund t’i shkatërrojnë sukseset e kampionit serb dhe tenistit më të mirë në botë e as dashurinë e tij për Kosovën. Kur nuk e kanë të vetën, e shkatërrojnë të huajën.
Nga ajo që mund të shihet në artikujt e publikuar nga mediat në gjuhën serbe shihet se, të njëjtat, nuk e kanë të bazuar atë në fakte.
Rreth këtij rasti kanë publikuar edhe disa media në gjuhën shqipe nga Kosova. Siç raporton Klan Kosova, banorët vendas kanë deklaruar prapa kamerës se nuk e dinë se kush e ka kryer këtë vepër. Siç raportohet në këtë medium, pas identifikimit nga organet e rendit, janë arrestuar tre persona lidhur me rastin të cilët dyshohet se veprën e kanë kryer nën ndikimin e alkoolit. (këtu)
Pretendimet e Petkoviqit duket se janë pjesë e narrativave dezinformuese lidhur me incidentet e ndryshme që ndodhin në komuna e rajone të banuara me shumicë serbe në Kosovë (shih shembujt e trajtuara nga hibrid.info këtu, këtu dhe këtu)
Për më tepër, përkundër se në incidentet që ndodhin në këto rajone, asnjëherë nuk janë paraqitur fakte që dëshmojnë se ato, njësoj si ky veprimi në Rahovec, janë të motivuara etnikisht, Petkoviq ka vazhduar të pretendojë herë-pas-here se këto incidente janë si shkak i një “histerie anti-serbe të shtyrë nga Kurti”.
Analiza:
Disa media në gjuhën serbe, duke u bazuar në një cicërim të drejtorit të Zyrës për Kosovën në Qeverinë e Serbisë, Petar Petkoviq, kanë pretenduar se figura e tenistit serb, Novak Gjokoviq, që gjendet në Lagjen e Epërme të Rahovecit, është spërkatur me bojë muri nga huliganët (Ekstremistët) e Kurtit.
Bazuar në raportimet mediale, banorët e vendit kanë deklaruar se nuk i din kryesit e veprës dhe organet e rendit kanë arrestuar tre persona lidhur me rastin, duke theksuar se faktin se dyshohet se vepra është kryes nën ndikim të alkoolit.
Bazuar në metodologjinë e përdorur, hibrid.info këtë pretendim e vlerëson si “manipulim i fakteve”.
Vlerësimi:
Vlerësimin si “Manipulim i fakteve” marrin ato raportime mediatike që përdorin fakte të njohura si të sakta, por i interpretojnë ato në mënyrë të shtrembëruara. Këto raporte zakonisht përdorin informacion të saktë për të nxjerrë përfundime ose pretendime të pasakta, duke drejtuar kështu përfundimet e konsumatorëve të përmbajtjes së mediave në drejtim të gabuar në lidhje me kuptimin aktual të fakteve të paraqitura.
